NG'THU K'THUUK~ 24:2 - Cho Bible Common Language 2016

² Khüikha nak bi vai cu angtäi ah ngami ah ngaih-tüh ah kyak ci. Akhin päng ung chang tumat mat cu nat sak vai ah ami shai m’an ci gui.

NG'THU K'THUUK~ 24:2 Referans Kwoze

SAM 10:7

Ang’thu cu ng’plah tang, hleeihlak, shedam nak awn be ci. Ani cu ng’thushe, shai kaa ah thu ghet ci.

SAM 7:14

Teng vä, a i hlawk ah changshe gui naw akshe ah m’lung ngai u ne; Khüikha nak pawng püi ne, chei khai ah ami bi gui cu!

SAM 28:3

Changshe gui, akshe bik ci gui — ang awi ah thu ne, ami m’lung kyong ah m’thüi ci gui awn atäng ah kä na m’kyuk-en ä.

ISAIAH 59:4

Nangmi cu yung ah nami hteh ung phi, taga khai ah a i kä nami bik ci. Amawngma ung nami näng vai düt ah nami hleei ci. Nangmi naw chang ah mat nak vai cu pawng püi ne nami law püi ci.

JOB 15:35

Cun ah chang gui cu chang m’thüi m’khang na ne, akshe bik ci gui ah kyak ci. Ngami ah m’lung cu angtäi sei m’thüi m’khang nak awn be ci.

LAMKTU 13:10

“Khoshe ah hta, akni m’cheishoh ciah gaa, hleeihlak thei ciah chang, nang cu Khanpughi ah düng nak shek khai ah na bik ci nei.

1 SAMUEL 23:9

Saul naw tu lawk khai ah apawng ah mawng cu David naw ng’ya neta, ani naw taigüpa Abiatha am, “Shawi sha law püi ä” cik ci.

MIKHAH 7:3

Akshe bi vai ah chang van theileh ci. Bawi gui la suki gui naw m’cümhnah nak thäh ci gui. Ang vaipi naw ang yak hlü pi thäh ci, ngami naw atäng ah bum ci gui.

NG'THU K'THUUK~ 6:14

Kä ng’düng ciah m’lung awn akshe avan pawng püi ci gui. Khaw hmun päng ung ng’tuk nak thawh let sak ci gui.

SAM 140:2

Ngami cu angtäi sei akshe m’zih ne bik ci gui, angtäi sei ng’cuh can ng’vongshang ci gui.

SAM 36:4

A ih ng’zän nak ung phi akshe bäng ngaih-tüh ci; Akni phung a i kä bik ci; akshe phung kä hnu nak ci.

NG'THU K'THUUK~ 24:8

Nang naw angtäi sei akshe bi vai ah na pawng püi ung khüikha nak bik ciah chang ah na ming thang khai.

SAM 38:12

Kei na ngawn hlük ci gui naw cun cuung ne na mah u ne; Na m’kat hlük ci gui cu akshe ah pawng ci gui nei. Ngami naw kä ng’düm phung ne kei cu na hnu ng’tuk püi ci gui.

ISAIAH 30:12

Cun ung phi Theingcim ciah Israel khanpughi ah thu pyen cu; “Kei naw ka ning m’thein gui cu nangmi naw a i ah kä nami ngai ci nangmi naw ng’tohpah nak la hleei hlak nak nami ngaih u ci.

JEREMIAH 22:17

Cun ung phi namät ah phäh hta bäng cu nang naw na hmuk ci; Nang naw changnigui na ngawn ci, na chang gui phi m’ghämce ne nak shedam nak ci. Cun cu Bawipa ah Thu pyen nei.

NG'THU K'THUUK~ 1:10

Ka hta, cheishoh ciah chang gui naw ami ning tüihtok ung kä na ng’kiaa en vai.