Biblia Todo Logo
Bib sou entènèt

- Piblisite -




NG'THU K'THUUK~ 24:12 - Cho Bible Common Language 2016

12 Nangmi naw nami bi vai ah kyak ciah kä nami ngai khai. Cun ung phi Khanpughi naw nami m’lung ngaih cu hmat ne m’khoichak ci. Ani naw k’pang ne ning ngäng gui ci, ning hmat gui ci. Ani naw nami bi ah ciah ning m’cümhnah gui khai.

Gade chapit la Kopi




NG'THU K'THUUK~ 24:12
35 Referans Kwoze  

Ani naw chang gui cu ami bi ah mäih ah m’cümhnah gui ne, ami om ih ah ciah om püi gui ci.


Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.


A cu hnüüp ung Khanpughi naw chang nüng nüng cu amät ah bi lawh a ciah, m’khoichaa nak pek khai.


Nang naw na bi avan cu hman ciah na ngai ci. Cun ung phi Bawipa naw na m’lung ngaih ning m’khoichak ci, cicu na shüm vai.


Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”


Acoyah naw dukhaih ci shedam ah ne, taga nak la ami chaw cu ma na gui sei, nami hmuh ung kä nami cäicat vai. Bawi päng cu amät ah khan ung om ci naw shung vong ci, a cun goi cun phi ani khan ung om ciah bawi naw shungvong ba goi ci.


Bawipa naw na hteh hton, na luh lang nak avan ung tuh ngawi ung tün ne ngawi yä ning m’htei khai.


Ani naw kä ning kyuk tän sak phung khai, Nang ning ngäng cicu angtäi sei ci m’gang ci.


Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.


Ani ah m’hni nak cu ng’täi ci ciah kyak ci. O Bawipa, nang naw chang avan cu amät ah om ih ciah na m’cümhnah ci.


Nang naw ka m’lung na hmat ci. Khomü ung kei ah na lawk ci; Nang naw kei cu akbe ah na na cet ci, cun ung phi kei ung ng’zak hlü akshe a i kä na hmuk ci.


Bawipa Jesuh naw, “Ngai vä, kei ka kyum law ge ci nei. Chang gui-am ami mät ah bi ah ciah peit gui vai ah m’cümhnah nak cu ka law püi khai nei.


“Thiatira Khrithabum ah khankho chang-am ca gu ne peit law nei! “Shin ah ca cu, a mik meidäi ah mäih ah ng’shü ne, kyei m’tui ah mäih ah pyü sei khaw nak ciah, Khanpughi ah Htapa ah m’cäi nak ah kyak ci.


Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.


Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.


Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.


Cun ah kya sei, kei naw ka ng’shäu ah Thu Ni ah pyein ah m’khoichaa nak ah kho hnüüp ung Khanpughi naw, Bawipa Jesuh Khrit awn chang gui naw m’yih ne ami ngaih-tüh gui phung cu, m’khoi m’cha ne m’dang yawp khai nei.


Chang tumat naw; “Mikmi cu Khanpughi awn ghing ne, hnün tho ne, om ih ne mi kyak ci.” Nang mi ungka ng’äi awn m’thei ciah chang gui naw phi; “Mikmi cun phi Khanpughi ah Hta gui ah mi kyak ci” cine ng’äi awm ci gui.


Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.


Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.


Nang naw cüi vai nak awn pawng m’htein ne m’gäi ci gui na bik ci; nang naw chang nü ah bi na hmuk ci, ami mät ah hnün thawh ah ciah nang naw na m’cü mhnah gui ci.


Bawipa naw na bi phung cu hmuk ci nei, na hteh nak päng ah ning ngäng ci nei.


Ani naw ghin vai ah na shum gui ne, mi zu ng’kyak vai phung kä bik ci.


nang naw akcang ah na hmuk khai sü te, a i ah kyasei ci ung keimi naw düm ah kami ngaih cu nang naw na hmat ci.


Nang cu düng ciah Khanpughi ah na kyak ci, Kami ngaih-tüh la kami ng’yak hlü cu na m’choi chak ci. Changshe gui ah shetkat nak cu ng’pyi sak ne Changni gui cu m’shumphyuk gui ä.


Chang tumat mat naw, ning tu ne, a ning ngawn hlü ah a kyak ung, chang naw a khawh ni a ngäng ah mäih ah Bawipa na Khanpughi naw ning phyawn khai. Na ga gui läi cu, chang naw yaili ung lung a kah ah mäih ah Bawipa naw k’täm ne gawt gui khai.


Bawipa naw hnun gui m’sih ci hnun gui m’ghin ci; ani naw chang gui sih nak ah khaw ah tüi gui ci, law püi ba gui ci.


M’lau ne na längtang nak cu ng’düm ä; Na khähghah nak ah ng’thu cu m’dim ä. Bawipa cu hmuhmat ciah Khanpughi nei, ani naw chang gui ah bi avan m’khoi chak ci.


Khanpughi naw mi hnga na pyang gui ci — ani naw kä ng’yak khai ma? Ani naw mi mik na pyang gui ci — ani naw kä hmuk khai ma?


M’cümhnah nak na gah cu mna mät ah ng’thu la na mät ah bi ungka ah kyak ci. Nang naw na mät awn khinkha cicu na gah khai.


Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,


Nang naw na bi phung cu bämcam ciah na ngai ci, Cun ung phi Bawipa naw na m’lung kyong m’khoichak ci.


Taga nak cu yung ah m’kawt ung alulenglat yah ung ani naw hmat ci.


Swiv nou:

Piblisite


Piblisite