NG'THU K'THUUK~ 23:29 - Cho Bible Common Language 2016

^29-30 Zu akda awk ci, tha na ne shui ne akthai awk cicu na m’dang vä. Amät ah phäh ah m’lung thüi nak ayä nak bi ne, angtäi sei cümbawng nak, ng’thu m’da nak bik cicu ka ning m’dang gui khai. Ani ah mik ci si ah m’dei ci. Ani ung akyong leim nak om ci, Ani naw hlawi hlawt khai sü te,

NG'THU K'THUUK~ 23:29 Referans Kwoze

EPHESIAN 5:18

Ning m’gämce sak gui khai ah yu cu kä nami awktat vai, Mumcha awn nami kümbe vai nei.

ISAIAH 5:22

Nami khaw mü ci nei! Zu ah chang m’gäi gui! Nangmi cu awk nak naw aning k’caw law gui ung nget u ne kyih nak nangmi ung kä om ba ci nei!

ISAIAH 5:11

Nami khaw mü ci nei! Nangmi khaw ngawihta ang dawt ah tho law ne nami aw law ge ci. Mü hun täng ah phi ak sho awktat ne nami ng’zän ci.

NG'THU K'THUUK~ 23:21

Awktat ci la ei tat ci gui cu pyam nak pyang ciah kyak ci gui. Na bilawh phung cu ei la ih bäng ah a kyak ung nang cu tuhbäi ge suishe na sui khai.

NAHUM 1:10

Ng’hling chawng la htang gong chawng ah mäih ah nangmi yu nami awktat ci gui cu mei naw ning ui gui khai nei.

NG'THU K'THUUK~ 20:1

Yu akda awk cu pyam nak la gu nak ah kyak ci. Awktat cicu gu taak ci.

2 SAMUEL 13:28

Achangshäm gui cu m’cäi gui ne, “Nami geing nak vai, Ammon naw akdäm a awk law ung, ka ning khü gui khai, nami ngawn vai, kä nami kyih vai. Kei naw ka mät ah bi vai cu ka bik khai. Nami nget vai, kä nami kut ng’gin vai!” cine m’cäi gui ci.

ATÜNNAK 49:12

Amik cu sapyit tui awn sen ne, a ha cu suktui awn bawk ci.

2 SAMUEL 11:13

David naw ani cu ei awk vai ah khü neta awk tat khai ah tu ci. Cun ung phi cu mü ah Uriah cu a im ah kä hteit ba ne, mang im ngäng nak ah kyong, a ih phak ung ip ci.

NG'THU K'THUUK~ 23:20

Zu akda awk ci la ei akda ei ci gui awn kä nami m’gu pawn vai.

ATÜNNAK 19:33

Acun ah mü ung ani pa cu awktat khai ah tu ni neta, angvai ba naw yaw ne ih püi ci. Ani pa cu ana ah awktat ci kya ne a i kä shüm ba ci.