NG'THU K'THUUK~ 23:28 - Cho Bible Common Language 2016

²⁸ Ngami naw m’gui ei ah mäih ah ning ngäng ci gui. Chang akda kä bekhüt khai ah ngami naw bik ci gui.

NG'THU K'THUUK~ 23:28 Referans Kwoze

THUSHÄUTU 7:26

Sih nak ah ta kha pi cicu ka hmuk ci, cun cu cuun ah mäih lawk ci hnumi nei. Ani ah ning pek ah m’hni nak cu ng’vai ah mäih ah kyak ci. Nang cu ning phak khai; a ning k’awi nak ah kut naw m’si gui ah mäih ah ning khit khai. Khanpughi yeikyai sak ciah chang naw a cun cu phyawn nak khai, cun ung phi katnak bik cicu a cun naw phak khai.

NG'THU K'THUUK~ 7:12

Kä cun ung cawk kem ung, lam ng’lung ung, sumlei hmun ung ng’düi ne ngäng ci.

1 KORIN 10:8

Mikmi naw cun ah chang amshah gui ah mäih ah pletbeng nak cu kä mi läk ken tu vai, ngami ungka chang tämkäp m’ku-lei-thum cu hnüüp ät ung sik ci gui.

HOSEA 4:11

Bawipa naw pyen ci, “Yu phyim la yu k’thai ami awk naw kei ah ka chang gui ah cüivai nak cu gut gui ci nei!

NG'THU K'THUUK~ 22:14

Pletbeng nak cu cun ah kyak ci — Acun naw Khanpughi naw am lungshe nak ah chang cu phak ci.

JEREMIAH 3:2

Khaw m’htun gui cä teng vä. Pawzam ciah mäih ah nami hnünthawh nak ah kä kyak ciah hmun om ne ang? Arab naw khaw ng’gau khaw ung a guttep vai ah ngäng ah mäih ah nang naw lampei pum ung na m’hni gui cu na ngäng ci nei. Nangmi naw nami pawmya nak awn kho avan nami pawmya sak ci.

NG'THU K'THUUK~ 9:18

Ani ah chang gui naw a im ung lut ciah chang gui ami sih la lut pyi ciah chang gui tuhbäi akthuuk pikbäih sih nak ah kho ung ami om cu kä hmat ci gui.

KHEI NAK 25:1

Israel chang gui Akacia Khaw Nawi ung shuam pigaw co ne ami om yah ung pami gui cu acu ah ana om ciah Moabit hnumi gui awn ng’yawpawm ci gui.

NG'THU K'THUUK~ 6:26

Chang tumat naw hlawhlaang ciah hnumi cu m’htut pum ät ah phu awn gah khai. Cun ung phi pawmyau ciah hnumi naw a khawh avan pyi pek khai.

ATÜNNAK 39:10

A cun ah mäih ah a hnüüp tä sei ani naw Joseph cu khü sei phi, Joseph naw kä ih püi phung ci.

NG'THU K'THUUK~ 7:10

Cun ung hnumi naw ani cu hmuk ci, cun ah hnumi naw hlawhhlaang ciah mäih ah sui awi ne, ng’bü ge ci.