NG'THU K'THUUK~ 23:24 - Cho Bible Common Language 2016

²⁴ Düng ciah chang ah apa cu a yeikyai nak vai ah amawng akni om ci. Nang cu cüvai ciah na hta awn na khäghah hning ci.

NG'THU K'THUUK~ 23:24 Referans Kwoze

NG'THU K'THUUK~ 10:1

Shin gui cu Solomon ah thuthuuk gui ah kyak ci: Cüivai ciah hta nau naw apa yei sak ci. Gu-ang ciah hta nau naw anu thüi sak ci.

NG'THU K'THUUK~ 15:20

Cüivai ciah hta naw apa yeikyai sak ci, chang awng ang naw anu päipih ci.

NG'THU K'THUUK~ 29:3

Nang naw cüivai nak nak tung nak ung, napa naw nang awn khähghah khai. Gu ang ciah chang naw chang hlawhhlang ung a ngui ng’pyi sak ci.

PHILIMON 1:20

Cun ah kyasei phäihta aw, Bawipa ah hmawk ah na bä nak awn cun ah na bi vai nei, Bawi Khrit ung phäi nau ah na kyak nak awn kei cu na thawlet sakä.

PHILIMON 1:9

Cun pang ung phi Bawi Khrit ah ng’shä tüih, ani ah hmawk ah thawng ung ka kium ciah kei Paul naw ka ning m’hni nak ung ng’paa nak awn ka pyein ci nei.

THUSHÄUTU 2:19

ani cu cüivai ci, käcung gu-ang ciah — a u naw hmat khai aw? Cun ung phi kei ah ka bi gui nü, khomdek khan ung, kei ah cüivai nak naw a gah gui nü cu, ani naw ka nak khai ah kyak ci. Cun gui avan cu akholä ah kyak ci.

1 GHANGPUGHANG GUI 2:9

Cun ung phi ani kä m’kyuk ah kä na nawng en vai. A i bi vai cu nang naw na hmat ci, ani am sihnak pek nak vai cu nang naw na hmat vai” ciah pyen nak ci.

1 GHANGPUGHANG GUI 1:48

taigü ci, ‘Israel Khanpughi, Bawipa cu mi m’tamkhah khai nei, ani naw kei ah ka hta ng’shon gui ungka tumat cu, kei ah hnün ung ghangpughang ah ngoh sak ci nei, acun ka hmuk khai ah kei cu na ghin sak ci nei!”

NG'THU K'THUUK~ 27:11

Ka hta aw, na cüvai vai, cun ung kei ka yei khai, a u naw a na täitawk ung phi, kei ung ka m’shan nak vai om khai.