NG'THU K'THUUK~ 23:23 - Cho Bible Common Language 2016

²³ Düng nak, cai nak, theithang nak la m’lung ngaih ni — shin gui cu a phu käi ah hleih vai. Cun ung phi nang ah phäh ah yoih vai cu küi aih ci nei.

NG'THU K'THUUK~ 23:23 Referans Kwoze

NG'THU K'THUUK~ 18:15

Lunglang ciah chang cu angtai sei ci gang ne ng’thei ge vai ah om ci.

MATTHE 13:44

“Khanpughi ah uknak kho cu shin ah mäih ah kyak ci, Chang tumat naw, lai ah phuh ne gimah khawh ng’peeih cu hmu netah, lin ne phuh ba shüt ci. Cun kawn ah yeikyai ne hteit ba ne, akhawh avan yoi yawp netah, cun ah lai cu khleih ba ci,” cine m’thein gui ci.

SAM 119:72

Thukhän na pek cu kei ah hmawk ah khomdek khan ung ngui avan ah bä pi ci nei.

NG'THU K'THUUK~ 16:16

Cuivai nak la lunglang nak cu ghui la ngui ah ta ba pi ci — ba pikbähih ci.

HEBRU 11:26

Messiah Bawipa ah hmawk ah lü ng’aa nak gah cu, Egypt kho ah khawcham avan ah tah bä pi ciah k’bäi ci, a i ah kyasei ci ung ani naw ngawi ah gah law vai ah m’cümhnah nak cu a hmuh ah hmawk ah kyak ci.

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

NG'THU K'THUUK~ 10:1

Shin gui cu Solomon ah thuthuuk gui ah kyak ci: Cüivai ciah hta nau naw apa yei sak ci. Gu-ang ciah hta nau naw anu thüi sak ci.

SAM 119:127

Kei naw na thumkhän cu ghui ah ta ka m’hni pi ci, Ghui k’ni ah ta ka m’hni pi ci.

THU PHLAAN 3:18

Cun ah kyasei na bühmang nak vai ah kei ah ghui akcang cu na k’hleih law vai ah ka ning m’cäi ci nei. Na k’plui ci kya ne nang aa nak na shung nak vai ah sui k’theing la namik am dei nak vai ah mik m’tui nak cu kei ah na khleih law vai nei.

MATTHE 16:26

Chang cu khomdek khan avan a uk ung phi amät ah ghin nak a maih ung a i ah mawng mei ba khai ang? amät ah hnun ghin nak cu a i awn thong ne gah khai ang?

MATTHE 13:46

Ang htei ah a phu küi ciah ghui cünglung cu hmuk ci. Cun kawn ah hteit ba ne akhawh avan yoi yawp netah ghui cünglung gui cu khleih ci.

NG'THU K'THUUK~ 17:16

Chang gu ang naw ca ng’thei nak vai ah phah ah ngui a mang cu ka nik ci, a i ah kyasei ci ung ani ung ng’yak hlü nak ka om ci.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

LAMKTU 20:23

Kei naw ka hmat cu, a gawnu päng ung Mumcha Theing naw, “Thawng kium nak la yaica nak ung na gawk khai nei” a ci bäng ah kya ci.

NG'THU K'THUUK~ 9:8

A u a i ah kä hum tuk ciah chang cu kä nami m’cäi tu vai. Ani naw ning thüi nak gui khai. Cun ung phi cüivai ciah chang nami m’cäi m’ä tu ung ani naw ning chang m’sui gui khai.