NG'THU K'THUUK~ 23:20 - Cho Bible Common Language 2016

²⁰ Zu akda awk ci la ei akda ei ci gui awn kä nami m’gu pawn vai.

NG'THU K'THUUK~ 23:20 Referans Kwoze

EPHESIAN 5:18

Ning m’gämce sak gui khai ah yu cu kä nami awktat vai, Mumcha awn nami kümbe vai nei.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

ROMAN 13:13

Mikmi cu akdei ung om ciah chang gui ah mäih ah ak ni ah mi om ih khai nei; auk tat nak, om k’she nak, plet beng nak, lü ng’aa nak, ng’tuk ng’ah nak, m’thüi m’khang nak gui cu avan mi nawng yawp khai nei.

ISAIAH 5:22

Nami khaw mü ci nei! Zu ah chang m’gäi gui! Nangmi cu awk nak naw aning k’caw law gui ung nget u ne kyih nak nangmi ung kä om ba ci nei!

MATTHE 24:49

chang shäm hnumi pami gui cu tuthat gui ne, ei awk ci gui awn a täng ah ei awk tat ne om khai nei.

LUKA 16:19

Hngü ät ung chang mangpa tumat om ci. Ani cu ak hnüüp tä akni ak kiom suisa ne, bühmang ä le ne om ci.

LUKA 15:13

Kä shou pha sei a hta ak hmaw pi cu, apa ah khawh chaam avan yoi ne, a gah ah ngui avan hteh püi ne, a kho hei ah hteit ci. Ani cu a gawk nak ah kho ah a ngui gui cu a i baw düt ah ci ne ei mang yawp ci

ISAIAH 22:13

Cunnak vaisü ung nangmi cu gaih ne pawi nami bik ci nei. Htome la seipat ngawn ne ei u ne, sapyit tui nami awk ci nei! Nangmi naw, “Mikmi akni mi ei awk khai nei, Ngawi ung mikmi mi si lawk khai nei” nami cik ci.

ISAIAH 5:11

Nami khaw mü ci nei! Nangmi khaw ngawihta ang dawt ah tho law ne nami aw law ge ci. Mü hun täng ah phi ak sho awktat ne nami ng’zän ci.

NG'THU K'THUUK~ 28:7

Thukhän läk ciah changnong cu lunglang ciah kyak ci. Kä nik ciah chang awn khawtsheng ciah chang cu, apa ah thüi nak vai ah kyak ci.

NG'THU K'THUUK~ 20:1

Yu akda awk cu pyam nak la gu nak ah kyak ci. Awktat cicu gu taak ci.

THULÄÄN NAK 21:20

Ngami naw ami pyen nak gui vai cu, “Kami hta cu linglai ci, hnungtuk ci, kei mi kä na ngai gui ci, ani cu ngui pyi yawp ci, awktat ci.

NG'THU K'THUUK~ 23:2

Nang cu na ei aih ciah a kyak ung, na mät naw na mät na m’cäi vai.

NG'THU K'THUUK~ 21:17

Läma nak, yu awk nak, mang ei ung hlim tui nak gui naw kä ning bühmang sak hlawt khai.