Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.
Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.
Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.
Khanpughi kyih aa nak cu cüivai nak ah lam ah kyak ci; Ani ah thumkhän läk ciah chang phung-am gei ciah m’khoi cha nak cu pek ci. Ani cu angtäi sei m’taam nei.
Bü ne ka bi ah kä kyak ci nei, ciah Khanughi ah taigü ah ma ah na pyen awng vai ah na mät ah ng’thu naw katnak ung kä ning gawk en püi sä. A i ah kyasei Khanpughi naw aning m’lungshe nak vai ah na bi ang? Nang naw na bi gui cu a i vai na m’dishum sak ang?