NG'THU K'THUUK~ 23:10 - Cho Bible Common Language 2016

¹⁰ Ng’giilung phyim cu kä nami m’hnawn vai. Hmeihta ah khaw hmun cu kä nami guh pek vai.

NG'THU K'THUUK~ 23:10 Referans Kwoze

NG'THU K'THUUK~ 22:28

Nami pupa gui naw ami ng’lin ah ng’giilung phyim cu kä nami m’hnawn vai.

ZEKHARIAH 7:10

Hmeinu hmeihta gui, a khawhei chang nami ng’lung ah om tuk ci gui la dukhaih ci gui cu kä nami shedam nak vai. Tumat la tumat ak she ah kä nami ng’tüihtok tu vai.’

THULÄÄN NAK 27:17

“Khanpughi ah plah taam nak cu a pei leng ung chang ah ng’gii m’hnawn ciah chang päng ah khan ah gawk sä.” Chang avan naw ami m’shan vai cu, “Amen!”

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

JEREMIAH 22:3

Kei, Bawipa naw ka ning thumkhän gui ci, taga ci la dung cicu nami bi vai. Nangmi naw ami m’hleei ah chang cu m’hleei ciah chang ungka nami shungvong vai. Akhohei chang gui, hmeihta gui, hmei nu gui cu, akshe ah kä nami om nak gui vai, kä nami shedam nak gui vai: shin ah theing-cim ciah hmun ung changni gui cu kä nami ngawn gui vai.

THULÄÄN NAK 19:14

Nami pei leng ah khawgii cu kä nami m’hnawn vai. Cun cu Bawipa nami Khanpughi naw a ning pek gui ah khaw ung cau pui ami lin ah kyak ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

JEREMIAH 7:5

“Nami ghin nak cu nami m’thawng vai, nami bilawh ah amawng gui cu nami m’düm vai. Tumat la tumat nami khawt sheng nak ung nami didang vai.

SAM 94:6

Ngami naw hmeinu, hmeihta gui cu ngawn gui u ne, kami kho ungka khin chang gui cu ngawn ci gui nei.

JOB 22:9

Nang naw hmeinu gui m’htei tu vai ah na ma bäng ah kä kyak ci, hmei hta gui ah ka phi m’guuk pe gui ne akshe ah na om püi gui ci.

JOB 6:27

Nangmi naw hmeihta khlei htein gui ah phäh ah m’shüih tawk ne nami bik ci, Nami ng’kawt ciah nami teihpüi gui ungka nami mät nami bühmang vai ah nami bik ci!

JOB 24:9

Changshe gui naw apa kä om ciah a hmaw hta gui cu khleihtein ah gui ci gui. Dukhaih aih ciah chang gui ah hta gui cu ami pu ah phäh ah la gui ci gui.

PHYAWN NAK 22:22

A u hmeihta, hmeinu phi kä nami shedam nak vai.

NG'THU K'THUUK~ 15:25

Bawipa naw chang shekha ah im cu m’di khai, cun ung phi hmeinu ah khawh cu ngang pek khai.

JEREMIAH 7:6

Chang hei gui, hmei hta gui, hmei ne gui ah khan ah kä nami ei hlü mang k’phya vai. A hei khanpughi gui khawihnah nak cu nami m’düm vai, a i ah kyasei ci ung acun naw nung m’di gui khai.