NG'THU K'THUUK~ 22:9 - Cho Bible Common Language 2016

⁹ Dukhaih ciam ng’khailang ne na ei nak pai tu vai, A cun ah phäh ah phyuhtheh nak na gah khai.

NG'THU K'THUUK~ 22:9 Referans Kwoze

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

1 PETER 4:9

Kä puhceh en ne, tumat la tumat nami choh nami ng’hmawn tu vai.

LAMKTU 20:35

K’tha nah ne bi law netah ghawipyam ci m’gein tu nak vai ah a mawng avan cu ka ning m’dang gui pyi ci. Bawipa Jesuh naw, “Va dou nak katah hei peit nak cu, yei kiai nak da pi ci” a ci cu nami shüm ba vai nei.

HEBRU 13:16

Akni bi vai lah tumat la tumat ng’hteihtang tu vai cu kä nami m’hnih-en vai nei, cun gui cu Khanpughi naw ng’yak hlü ah vawihpeh nak ah kyak ci nei.

LUKA 14:13

Cun ah kyasei khin chah nak pawi na bi law ung; ghawipyam ci gui, akut khaw ng’khem ci gui, amik hna kak ci gui, khü gui ne na tumbei gui vai.

ISAIAH 32:8

Cun ung phi m’tamkhah vai ah chang cu bä ciah hnüntho ne, hman ciah phäh ah khäng sei ng’düi ci.

NG'THU K'THUUK~ 21:13

Dukhaih ciah chang ah kyah kä na ngaih hlü ah a kyak ung, ami ning m’htei vai ah na mät naw kyap ne na ng’yoih cu a u naw kä ng’yak khai.

SAM 112:9

Ani naw ng’khai ne dukhaih ci gui cu pe taak gui ci, ani ah nibä nak cu kä shum hlawk ci; Ani cu huham ah sei chang m’sui khai gui.

NG'THU K'THUUK~ 11:25

Nami khailang vai, khailang cicu bämang khai, chang m’hteihtang cicu chang naw m’hteihtang ba ci,

MAKUH 7:22

chang ah chu chang ah hta kat püi nak, ng’yak hlü aih nak, nget ngawng nak, hleei hlak nak, ng’yak hlü düt ah om nak, m’thüimkhang nak, chang ah ming m’shet nak, chang ah ng’shei nak, gu-ang nak, gui ah kyak ci.

MATTHE 20:15

Ka mät ah ngui cu ka mät ah m’hni ah kä ka mang vai maa! Kei ah kang khai-lang ah phäh ah nam thüi ci maa!’ cine kyak nak ci,” cine m’cäi gui ci.

THULÄÄN NAK 28:56

Ng’awigii pi ne aknipi ah ng’tüi ciah hnumi, ang htei ah büh mang ne a hawi kä hteit phung ne om ci phi acun ah mäih ah kyak khai. Ga gui naw ani ah gawnu cu ami khaai law ung ani cu ei cawi law aih neta, a hta thai ah a hmaw la a yen cu düm ah ei khai. Ani naw am hni ah acei la a hei a hta gui phi, kä m’bei tu gui khai.

NG'THU K'THUUK~ 31:20

Ani cu dukhaih ci gui la ng’ya hlük ci gui ah ma ah ng’khailang ci.

NG'THU K'THUUK~ 11:17

Na mät nani yah ung na mät naw na mät na m’tam ci, na mät na nget yah ung na mät naw na mät na tüihtok ci.

NG'THU K'THUUK~ 11:27

Na ng’bü nak ani ung chang naw ning chang m’sui khai, Cun ung phi yaica nak na shui läi ung, acun na gah khai.

NG'THU K'THUUK~ 14:21

Nang cu na yeikyai hlü ah a kyak ung dukhaih ci na m’gein vai, chang paphi cu katnak ah kyak ci.

NG'THU K'THUUK~ 28:24

Nupa ah khawh m’guk cu ka hma ciah ngai ciah chang cu ahei m’guk ei gui ah ta kaa pia ci.

NG'THU K'THUUK~ 28:27

Dukhaih ciam na pektak vai, nang ung a i ka hlü ba khai. Dukhaih ciah ma ah na mik nam shin ung chang gui naw ning plahtam khai gui.