NG'THU K'THUUK~ 22:7 - Cho Bible Common Language 2016

⁷ Dukhaih ci gui cu bühmang ciah changshäm ah kyak ci gui, ngui na pu ung nang cu ngui ng’pu ciah changshäm ah na kyak ci.

NG'THU K'THUUK~ 22:7 Referans Kwoze

2 GHANGPUGHANG GUI 4:1

Prophet gui ungka tumat ah hmeinu cu Elisha ah law neta, “Saya aw, kei ka cei cu sik ci nei! Na hmat ah mäih ah ani cu Khanpughi kyih aa ciah kyak ci, cun ung phi ani naw ngui apu nak ah chang naw law ne, apu ah phäh ah ka hta goi cu hteh püi ne shäm goi khai ah pyen ci nei” cik ci.

NG'THU K'THUUK~ 22:16

Bühmang ci am m’cümhnah pe ne, kä cung bühmang vai ah dukhaih ci na yawshe nak ah a kyak ung, na mät cu na pyam lawk khai nei.

NG'THU K'THUUK~ 18:23

Dukhaih ci naw ng’coi pa ne ng’thu pyen ci, cun ung phi buhmang ci naw akghat ah m’shang ci.

JAMES 2:6

Cun ung phi nangmi naw pyamtham cicu chang ah kä nami ngai ci, bühmang ci gui naw nangmi cu ning yoshe na gui u ne, yung ah m’kawt mang ah khlaak ung ning hteh püi gui ciah kä kya ne ang?

MATTHE 18:25

Ani naw a pu cu kä thung hlawt khätah, amät la ak chu a hta ni, a khawh cham ni avan cu yoi ne a thung vai ah ghangpughang naw k’bäi ci.

NG'THU K'THUUK~ 22:22

Dukhaih ciah chang ah hawh cu na bi nak hning awn kä na lak pek vai. Am gein kaa ah yung ah m’kawt ung düi ciah khawh kä na lak pek vai.

NG'THU K'THUUK~ 14:31

Dukhaih ciah chang shedam nak ci cu, ani tuisho ciah Khanpughi paphi ciah kyak ci. Cun ung phi dukhaih ci m’gein cicu khawihnah nak bik ciah kyak ci.

JAMES 5:1

Bühmang ciah chang gui kei ah thu cu na ngai vä! Nami khan ah gawk lawk khai ah geinvai nak vai ah hmawk ah thüi ne kyap vä!

AMOS 8:6

Kä nik ciah htang cu aküi ah kami yoi hning khai. Aphu kä thung hlawt ciah chang pyaam cu keimi naw kami hmuk khai, ani cu a phahnak phi kä thung hlawt ci, cun cu mikmi naw changshäm vai ah mik khleih khai” nami cik ci.

AMOS 8:4

Ngai vä, dukhaih ci shedam na ne, pyamtham ciah khaw m’di ciah chang gui.

AMOS 4:1

Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!

ISAIAH 24:2

Chang nü ah a buitang cu tang khai-taigü la chang gui, changshäm gui la mang gui, hleih ci gui la yoi ci gui, ng’pu ci gui la puk ci gui, bühmang ci la dükhaih ci gui.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

AMOS 2:6

Bawipa naw, “Israel chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami pu kä thung hlawt ciah changnigui la ami phahnak phu phi kä thung hlawt ciah dukhaih ci gui cu, khleihtein vai ah yoi gui ci gui.