NG'THU K'THUUK~ 22:6 - Cho Bible Common Language 2016

⁶ A hmaw cu a i cha ah a ghin vai ah m’theithang vä, cun ung a ni naw aghin nak chuih shüm ba khai nei.

NG'THU K'THUUK~ 22:6 Referans Kwoze

EPHESIAN 6:4

Nupa gui, nami hta hmaw gui cu ami m’lung thüi khai ah kä nami bi en vai. Cun ung phi Khanpughi ah ng’yak hlü ah khritha hläkhäm nak awn nami m’shümthein vai.

THULÄÄN NAK 6:7

Nami hta nau gui am nami theithang gui vai. Im ah nami om ung phi, a hei ah nami hteh hton ung phi, naming’düm yah ung phi, nami ng’bi yah ung phi shin gui cu nami pyen ba ba vai.

2 TIMOTHI 3:15

Na hmaw sang ung tün ne, cüivai nak ning pe ne, Bawi Khrit Jesuh yum nak awn hun nak gah vai ah lam shüm ciah, Cacim Theing na hmat ah mawng cu na shüm ba vai nei.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

1 SAMUEL 1:28

Cun ah kyasei kei naw Bawipa am ka ap ci. Ani a ghin ah chuih, ani cu Bawipa naw khäm khai” cik ci. Cun kawn ah ngami naw a cu ah Bawipa cu khawihnah ci gui.

1 SAMUEL 2:26

Ak hmaw Samuela cu däm ng’vai law ne Bawipa ah ma la chang gui ah ma ah hmai kiang nak gah ne om ci.

THULÄÄN NAK 11:19

Nami hta nau gui am nami m’theithang gui vai. Im ah nami om yah ung, sang ah nami hteh yah ung, nami ng’chiin yah ung, nami ng’bi yah ung nami m’thei gui vai.

SUKI GUI 13:12

Cun kawn ah Manoah naw, “Na pyen cu a bä law ah a kyak ung, a hmaw naw a i bik khai ang? A i cha ah ghin om püi vai ang? cine ng’shik ci.