NG'THU K'THUUK~ 22:4 - Cho Bible Common Language 2016

⁴ Bawipa cu läk äm’lung neim sak ä, cun ung na bühmang khai, m’tamkhah nak na gah khai, akshou na ghing khai.

NG'THU K'THUUK~ 22:4 Referans Kwoze

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

JAMES 4:10

Bawipa ah ma ah nami m’lung neim sak vä, cun ung ning m’hlüngtai gui khai nei.

NG'THU K'THUUK~ 21:21

M’gein nak la düng nak awn na om ung, nang cu akshou na ghing khai, Chang hei gui naw ning chang m’sui u ne bä sei ning bawihmau khai gui.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

NG'THU K'THUUK~ 3:16

Cüivai nak naw akshou ghin nak pek ci, bämang nak la m’tamkhah nak phi ning pek ci.

JAMES 4:6

Cun ung phi Khanpughi ah na peit gui ah chimgein nak cu khüighaat ba pi ci nei. Cacim theing naw, “Khanpughi naw chang ah ng’shei ci gui cu hnu nah gui ne, m’lung neim sak ci gui cu, chimgein nak pe gui ci nei,” ciah a pyein ah bä nak ah kyak ci.

ISAIAH 33:6

Chang pakhui am khänghtek nak cu pek ci. Ani naw angtäi sei a chang gui cu shungvong gui ci, cüivai nak hmuhmat nak cu pe gui ci. Ngami ah dämduh pi ciah m’küm cu Bawipa (khanpughi) kyih aa nak ah kyak ci.

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

NG'THU K'THUUK~ 21:20

Cüivai ci gui cu bühmang ne, läma ne om ci gui. Cun ung phi chang ang laam gui naw, ami ngui cu ami gah vai am mang yawp ci gui.

NG'THU K'THUUK~ 22:3

Langkha ciah chang naw khüikha nak a gawk law cu hmu ne hlawi ci. Cun ung phi a i kä ngaih-tüh thei ciah chang cu acun ah ng’lung ah hteit ne lut ci, akawn ah ng’yu ba ci.

NG'THU K'THUUK~ 22:5

Na hnun gui na m’hni ah a kyak ung alam päng ung changshe gui phak ciah cuun awn ng’shawng khai ah na om vai nei.

NG'THU K'THUUK~ 29:23

Chang yawshe nak ciah chang naw yung kyak nak ung ning hteh püi khai, Cun ung phi na m’lung na neim sak ung nang cu chang m’sui nak om khai.

NG'THU K'THUUK~ 31:30

M’däk nak cu lam hma nak ah kyak ci, kyom nak cu ng’kawn khai, cun ung phi Bawipa m’tamkhah ciah hnumi cu m’hlüngtai nak om khai.

DANIEL 4:36

“Kei ung ng’shüm nak a gawk law ba kawn ah, ka m’tamkhah nak, ka bawimang nak, ka bämang nak, la uknak khaw cu na pe ba ci. Ka bawi gui la ka chang vai gui naw na dou chang ci gui. Ayanä ah ta dämduh pi ciah m’tamkhah nak awn, ka bawimang huham cu na pe ba ci.

NG'THU K'THUUK~ 19:23

Bawipa cu na lak vai, cun ung akshou na ghing khai, bühbei ne leigai na phyawn nak khai,