NG'THU K'THUUK~ 22:18 - Cho Bible Common Language 2016

¹⁸ Cun nami shüm ba ung nami yeikyai khai. Mang ah phi nami mang khai nei.

NG'THU K'THUUK~ 22:18 Referans Kwoze

JEREMIAH 15:16

Nang naw na na ng’thu püi ci, na ng’thu päng cu kei naw ka ngai ci. Kei cu nang naw na na khäm ci, Bawipa, m’gäi ciah khanpughi, cun ah kyasei nang ah thu lung naw kei ah m’lung naw kei ah m’lung cu zeikia nak ah lünlowi nak awn be sak ci.

NG'THU K'THUUK~ 2:10

Cüivai nak cu nang ung om khai, na hmuhmat nak naw ning yeikyai sak khai.

NG'THU K'THUUK~ 15:7

Hmuhmat nak cu cuivai chang naw ng’shawng sak ci, chang gu ang naw ka ng’shawng sak hlawt ci.

NG'THU K'THUUK~ 10:21

Changni ah ng’thu naw chang akda bä sak ci, cun ung phi gu-ang cicu amät ngawn ci.

NG'THU K'THUUK~ 8:6

Bä pikbäih ciah ka ng’thu cu ngai vä, Ka ning m’thein gui avan cu hman ci nei.

SAM 119:103

Na m’shüm thein nak gui cu tui hlim aih ci nei khoi tui ah ta tui pi ci gui nei.

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

JOHAN 7:38

Cacim ung om ciah mäih ah, kei na yum ciah chang ah m’lung kyong ung ghin nak tui cu, tui-ci lawng ah mäih ah khawng ne long khai nei” cine m’lau ne pyein ci.

NG'THU K'THUUK~ 25:11

Ng’htei khai ah m’dang ah ngaih-tüh nak cu ngui ung ng’lin ah ghui lawi ah mäih ah kyak ci.

NG'THU K'THUUK~ 16:21

Cuivaine htingling cicu a hmuhmat ah phah ah aming thang ci, Ang thu gei law pi cicu yeikyai nak om law pi ci.

NG'THU K'THUUK~ 10:13

Lunglang cicu akbä ah ng’thu ci, gu ang ci naw m’kyuk nak gah ci.

NG'THU K'THUUK~ 3:17

Cüivai nak naw na ghin nak cu yeikyai sak ci. Acun ah lam cu dim deeih nak ah kyak ci.

SAM 119:171

Kei naw angtäi sei ka ning m’tam khai, nang naw na thukhän gui cu na na m’thei ci.

SAM 119:162

Na shaitak ah hmawk ah ka yei aih ci, cun cu mangnak vai khawh ng’peeih hmuk ciah yei ah mäih ah kyak ci.

SAM 119:111

Na thumkhän gui cu ng’täi ciah ka khawh cham ah kyak ci; cun gui cu ka m’lung kyong ah yei nak ah kyak ci.

SAM 119:13

Nang naw na na pek ah na thukhän gui cu ang shawng ah ka pyen ba khai nei.

SAM 19:10

Cun gui cu ng’ciim ciah ghui ah m’hni pi vai kya ne, tui ciah khoitui ah tui pi ci.

MALAKHI 2:7

Khanpughi ah akcang ah hmuhmat nak m’thei vai cu taigü gui ah bi vai ah kyak ci. Kei ah ng’yak hlü ng’thei tuk khai gui ah chang gui cu ngami ah hteit khai gui, A i ah kyasei ci ung ngami cu hlüngtai ciah Bawipa ah ng’shä tüih ah kyak ci gui.

NG'THU K'THUUK~ 22:19

Bawipa ung nami yum nak a htek vai cu kei naw ka ng’ya hlük ci nei, Cun cu keinaw nang mi am tuhbäi ka ning m’thein gui hlü ah kyak ci.

NG'THU K'THUUK~ 4:20

Ka pyen cu na geing nak vai, ka hta, ka ng’thu na ngaih vai.

NG'THU K'THUUK~ 4:21

Na mät awn kä na ng’shawng en sak vai. Shüm ba ne na m’lung ung na khän sak vai.