NG'THU K'THUUK~ 22:15 - Cho Bible Common Language 2016

¹⁵ Ak hmaw hta gui cu ami ng’tüi püi ah hmü hma thei ci gui, a i kä geing na thei ci gui. Cun ung phi akni ah that ne m’cä ung, a i cha ah ami ghin om vai m’thein ah kyak ci.

NG'THU K'THUUK~ 22:15 Referans Kwoze

NG'THU K'THUUK~ 13:24

Na hta cu that ne kä na m’cäi ung na hta kä na m’hni ciah kyak ci. Na hta na m’hni ah a kyak ung na m’shum thein vai.

NG'THU K'THUUK~ 19:18

Na hta gui cu ng’thei thei khai gui ah ami hmaw yah ung na m’shumthein gui vai, ka cun ung ami mat naw ami mat ami m’di vai ah na m’thein gui ciah kyak ci.

NG'THU K'THUUK~ 29:15

M’shümthein nak gui la m’hnütbäi nak gui cu ak hmaw gui ah phäh ah akni ah kyak ci. Ak hmaw cu amät ah ngaih ah a hteh ah akyak ung, ani naw anu cu ng’aa sak khai.

NG'THU K'THUUK~ 29:17

Na hta cu m’hnütbäi nak na pek vai, nang cu angtäi sei ani awn na khäghah khai, ani naw thui ng’a nak vai ah mawng kä ning pe phung khai.

EPHESIAN 2:3

Zanä mikmi phi ngami ah mäih ah mi kya man ci. Pumsa ah ng’yak hlü ah mi om ne, pumsa la m’lungngaih ah ni vai düt ah mi bilo man ci. Mikmi cun phi pumsa lam ung, a hei chang gui ah mäih ah Khanpughi ah m’lungshe nak gah khin ciah mi kyak ci.

SAM 51:5

Kei cu ka ng’tüi law ge ung ka shetkat ci, ami na käu nak ge ung ka cheishoh pyi ci nei.

JOHAN 3:6

Chang ah sisa ung ng’tüi cicu chang ah kya ba ci, Mumcha theing ung ng’tüi cicu Mumcha Theing ah kya ba ci.

JOB 14:4

Kä theingthap cicu angtäi sei kä theingthap ciah chang ungka lawk ci nei.

NG'THU K'THUUK~ 20:30

Ak hnü ät ung natnak bui awt nak naw mi lam mi m’thawng nak vai ah na pyang gui ci.