NG'THU K'THUUK~ 22:10 - Cho Bible Common Language 2016

¹⁰ Chang omshe gui cu nami nawt heng vai, Cun kawn ah ng’cuh vah nak, ng’vokshan nak, ming m’shet nak gui kä om ba khai.

NG'THU K'THUUK~ 22:10 Referans Kwoze

NG'THU K'THUUK~ 21:24

Chang k’om cicu na na m’nuh vai, yoshe nak ci, chang ah ng’shei ci, kho kä tä cicu ka ning m’hnuh khai.

SAM 101:5

Chang tumat mat akshe ah m’thüi nak ciah chang cu, kei naw ka nawng khai; chang ah ng’shei ne, chang yaw k’she nak cicu kä ka hnim gei khai.

NEHEMIAH 13:28

Joiada cu Taigütung Eliashib ah hta ah kyak ci, Joiada ah hta gui ung ka tumat naw Beth Horon gawnu ung ka Sanballat ah hta hnumi chu na sei, Joiada cu kei naw Jerusalem ung ka k’täm ci.

MATTHE 18:17

Ngami ah thu mä kä ang ngaih ah a kyak ung, a mawng ama avan pyein ne pum im ung nami ap vai. Cun ung phi m’cäi kä ang ngaih ah a kyak ung, ak hnu bäih ah Khanpughi kä yum ciah chang khawn look ciah chang ah mäih ah namik bäi vai.

NG'THU K'THUUK~ 18:6

Chang gu ang cu ang vook tu ung ng’toh vai ah ng’ghuh ci.

SUKI GUI 9:55

Israel gui naw Abimelek aih cu hmu u neta, ami van ami im ah hteit ba ci gui.