NG'THU K'THUUK~ 21:6 - Cho Bible Common Language 2016

⁶ Kä düng nak awn na gah ah bühmang nak cu angghit ah maih ba khai. Acun naw sih nak ah m’kawt ung ning hteh püi khai.

NG'THU K'THUUK~ 21:6 Referans Kwoze

NG'THU K'THUUK~ 13:11

Ayäi ah na gah ah na khawhcham cu ang ghit ah maih ba khai. K’tha na ne na shui yap ung akdäm pi na gah khai.

NG'THU K'THUUK~ 10:2

Kä düng ci bi na gah ah khawh naw kä akni ah ning kyak sak khai. Cun ung phi düng ci naw hnun gui hun ci.

NG'THU K'THUUK~ 20:21

Zai pi ciah na gah ah khawh naw ken pi ciah ni nak ning pek khai.

JEREMIAH 17:11

Kä ng’düng ci awn ngui gah ciah chang cu, kä amtui baw ciah kha awn täng ci. A nong sang ge ung a ng’büh mang nak cu maih sei, ak hnu ah akholä ah kya ne agu ang nak ng’pyi ci.

NG'THU K'THUUK~ 8:36

Kei kä na hmuk ciah chang cu a mät plah taam ciah kyak ci. Kei na thüi nak ciah chang cu sih nak m’hni ciah kyak ci.”

NG'THU K'THUUK~ 30:8

Hleeihlak nak ungka nak pang ä, Kä na pyam sak, kä na mang sak en ä. Cun ah kyasei ka ng’yak hlü ng’büh khai ah ei vai bäng na pe ä.

NG'THU K'THUUK~ 22:8

Kä taga ciah geit m’shi na phu ah a kyak ung leigai ah tho lawk khai, chang na shedam nak phi ng’pyi khai.

2 PETER 2:3

Cun ah thuvi ciah saya gui cu ng’yak nak hlü aih awn khän ne düng ciah thu pyein u ne, ami mät ung tang khai ah bik khai gui nei. Cäu ä tün ne ngami ng’thumcha gui khai cu om pyi ci nei, ngahmi m’di gui khai phi tho pyi ci nei!

NG'THU K'THUUK~ 20:14

Khleih ci naw a phu kui aih ci, cine chiu m’da ci, cun ung phi hteit ba neta, khleih ne a gah awn khähghah ci.

TITUS 1:11

Ngami cu thu kä ami pyein ba vai ah khin lawk ci nei, a i ah kyasei ci ung ngami cu kä m’theithang khin vai m’theithang u ne, kyongkhui gui cu shetkat sak ci gui, lü ng’aa nak vai kyak ciah ngui ng’yak nak hlü awn ami bi ah kyak ci.

EZEKIEL 18:31

Akshe name bi gui avan cu chah vä, name mät naw m’lung la ngaih akthai cu gah vä. A i ah kyasei nangmi Israel gui nami sih hlü ang?