NG'THU K'THUUK~ 21:30 - Cho Bible Common Language 2016

³⁰ Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

NG'THU K'THUUK~ 21:30 Referans Kwoze

LAMKTU 5:39

Ngami ah ngaih-tüh bilawh gui cu, chang ah pawng püi ah a kyak ung maih ne ng’kawn khai nei, cung phi cun gui cu Khanpughi ah ngaih tüh bilawh gui ah a kyak ung, nangmi naw kä nami m’dimdap gui hlawt khai, nangmi cu Khanpughi nami hnung’tuk püi ciah kyak lawk khai nei” cine pyein ci gui.

NG'THU K'THUUK~ 19:21

Chang gui naw a hlü hlü ah pawng püi ci gui. Cun ung phi Bawipa ah ng’yak hlü naw pyi phleh ci.

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

ISAIAH 14:27

M’gäi ciah Bawipa naw shin ah bi vai ah k’bäi ci nei; ani naw m’kyuk nak vai ah a kut cu shäng ci nei. A u naw phi kä ng’düm hlawt khai.

1 PETER 2:8

A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.

JONAH 1:13

Cun ung phi ngami naw htinpaw tuikam ah a gawk vai ah ami thagui avan awn tha nak ci gui. Cun ung phi kä ci hlawt ci gui. Khokhi tui hmawk cu däm law piktäi ci. Ngami hawi kä gawk hlawt ci gui.

LAMKTU 5:38

Cun ah kiah sei kei naw ka pyein hlü cu, shin ah chang gui kä hei nah gui vä, ami bü ah om u sä;

THUSHÄUTU 6:10

A i phi kya lawk ci nü cu, a cau ge am hnüt bäi pyi ah kyak ci. Chang tumat naw amät ah mä gaigawng pi cicu ng’cucan püi ne kä gah ci, cicu avan naw mi hmat ci.

ISAIAH 45:9

M’dek k’am naw ani sheh cicu ng’kü neet püi hning khai aw, ani cun phi a hei k’am gui ah mäih ah kyak ci nei? k’amdek naw k’am sheh ciam, a i nei na bi cine, ng’shi thäh khai ang? K’am naw ani pyan ci am, kä na bi thei ci, cine Ng’thu m’da khai ang?

JOSHUA 2:2

A cu mü Israel chang gui naw khaw däät khai ah ami law cu, Jerikho ghangpughang naw ng’ya neta,

2 SAMUEL 11:9

Cung phi Uriah cu a im ah kä hteit ba ci, ghangpughang ngäng ciah chang gui awn mang im kawt ung a täng ah ip tuk ci.

1 GHANGPUGHANG GUI 14:6

Cun ung phi Ahijah naw ani m’kawt ung a gawk law cu ng’ya neta, pyen ci, “Kyong ah law ä, nang Jeroboam ah chu ah na kyak cu ka ning hmat ci nei. A i ah kyasei chang a hei ah mäih ah na ng’pyang tham ang? Nang ah hmawk ah akshe om ci nei.

2 GHANGPUGHANG GUI 6:12

Tumat naw pyen ne, “Ka bawi aw, a u kä kya tuk ci nei” cik ci. Prophet Elisha naw na mät ah kyong ah na pyen gui phi Israel ghangpughang am m’thein ci nei” cik ci.

JOB 41:2

Nang naw ani cu ah na ung gui awn na khit hning khai ma? Kä cun ung ang being guh cu m’sii m’kaih awn na khit hning khai ma?

ISAIAH 36:5

Ani naw akthäh cu, “gakap ah binak thei la m’gäi nak cu ng’thu sai awn m’hlai ne gah vai ah na ngai ne ang?