NG'THU K'THUUK~ 21:3 - Cho Bible Common Language 2016

³ Düng ci, bä cicu na bi vai, cun naw khawihnah nak law püi ah ta Bawipa cu yei sak pi ci.

NG'THU K'THUUK~ 21:3 Referans Kwoze

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

HOSEA 6:6

Kei naw ng’täi ciah anmi m’hni nak cu ka ng’ya hlük ci. Seime awn nami khawihnah nak ah kä kyak ci. Kei ah ka chang gui naw m’khih ne douthak ah dam ah ami na hmuhmat vai cu kei naw ka m’hni ci.

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

MAKUH 12:33

Khanpughi cu m’lung kyong avan, hmuhmat nak avan la k’tha gui avan nawn m’hni vai, mät ah paw chang cu mät awn m’täng ne m’hni vai’ ciah thukhän hnih läk cu Khanpughi-am ak ghing ngawn ne m’khih ne khawihnah nak la Khanpughi-am a hei gui peit nak nüng ah tah bä pi ci nei” cine pyein tu ba ci.

SAM 50:8

Na ghutha nak, angtäi sei mei awn m’khih ne, na law püi ah hmawk ah kä ka ning gen ci.

SAM 40:7

Cun ah kyasei ka ning m’shan cu, “Kei shi ah nei; nang ah nam shüm thein nak cu thukhän ca uk ung om ci nei.

ZEKHARIAH 7:9

“Cau pui shin ah ng’thumkhän cu chang gui am ka pe gui ci: ‘Nangmi naw taga nak bi pyi cu nami hmuh vai nei, Tumat la tumat ng’khawt gei nak la chimgein nak cu nami m’dang vai.