NG'THU K'THUUK~ 21:29 - Cho Bible Common Language 2016

²⁹ Düng cisah chang gui naw ami mät naw ami mät ngaih gep ci gui.

NG'THU K'THUUK~ 21:29 Referans Kwoze

NG'THU K'THUUK~ 11:5

Düng nak naw changniah ghin nak cu bä sak pi ci. Cun ung phi chang shekha naw amät ah kiuk ng’tän nak vai bik ci.

1 THESSALONIAN 3:11

Mipa Khanpughi la Bawipa Jesuh Khrit naw, nangmi ah om nak ah kami law nak vai ah lam cu na pyan pe gui sä.

HAKKAI 1:7

A i ah kyasei shin ah a kyak cu kä nami hmuk ci ma?

EZEKIEL 18:28

Ani naw a i abi ngai neta katnak cu nawng ci, cun ah kyasei ani cu ak cang ah kä sik khai, ghing lä khai.

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

NG'THU K'THUUK~ 28:14

Angtai sei Bawipa na lak vai, cun ung na yei khai. Na m’lung aliing ung na shum khai.

SAM 119:59

Ka mät ah om ih gui cu ngaih-tüh ba neta, Na m’shüm thein nak gui cu läk vai ah shai ka tak ci nei.

SAM 119:5

Kei cu bekhüt ne nam cäi m’ä nak ka kutshum thei vai ah ka ngaih u aih ci nei!

HAKKAI 2:15

Bawipa naw pyen ci, “Nangmi ung a i ah kya lawk ciah kä nami hmu hning ne ma? Taigüim tün ne kä nami cawh ba pha ung ngaih tüh ba vä,

JEREMIAH 8:12

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

HAKKAI 1:5

Nangmi ah khan ah a i a gawk law cu kä nami hmu ne ma?

NG'THU K'THUUK~ 7:13

Ani naw cun ah pami hta cu pha ne a kut awn ven ne kyawp ne, ng’ui ne amik awn kheing ne teng neta,

THUSHÄUTU 8:1

Cüivai ciah chang bäng naw va, apäng avan ah akcang ah akyak ah mawng cu hmat ci. Cüivai nak naw hmai kyang sak ne hmai m’kyum nak cu maih sak ci.

NG'THU K'THUUK~ 4:25

Bä ciah m’lung yum ne ma lam ung düng sei na teng vai. Na hmai kä na thui ng’aa sak vai

NG'THU K'THUUK~ 4:26

Na bi vai cu geing na ne na pawng püi vai. Na bi phung cu hman ne ng’damng khai.