NG'THU K'THUUK~ 21:28 - Cho Bible Common Language 2016

²⁸ Hleei ne saksi cu yum vai kä kyak ci. Cun ung phi chang tumat mat naw ngaih-tüh nata ang thu cu dou ah kyak ci.

NG'THU K'THUUK~ 21:28 Referans Kwoze

2 KORIN 4:13

Cacim ung, “Kei naw yum ne Thu ka pyein ci” a ciah mäih ah keimi ung phi yum nak om sei, yum nak awn thu kami pyein ci.

NG'THU K'THUUK~ 19:5

Nang cu yung ah m’kawt ung na hleei na pyen ung m’kyuk nak na gah khai. M’hlawt nak ka om khai.

NG'THU K'THUUK~ 19:9

Yung ah m’kawt ung a hleei pyen cicu m’kyuk nak ka phyawn nak khai, Ani cu ng’yiin khai.

TITUS 3:8

Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.

LAMKTU 12:15

Cun ah chang gui naw, “nang na gu ci ma?” cine kyak nak ci gui. Cun ung phi cun ah ami shäm ah hnumi hta naw ak cang a pyein nah ling ba khä tah cun ah chang gui naw,” Cun ung Peter ah khanchang ah kyak khai” cik ci gui.

NG'THU K'THUUK~ 25:18

Kä hman ciah ng’gu k’bün nak cu sih nak ah khim ghat, htung tawn la m’la ak ghat ah mäih ah kyak ci.

NG'THU K'THUUK~ 12:19

Hleeihlak cicu a ghin nak tawi ci, ng’düng ciah ghin nak cu khong län ung om ci.

PHYAWN NAK 23:1

“Ng’thukshe cu kä na k’püi tu vai, ng’thukshe awn saksi ne changshe kä na gun tu vai.