NG'THU K'THUUK~ 21:2 - Cho Bible Common Language 2016

² Nang naw na bi avan cu hman ciah na ngai ci. Cun ung phi Bawipa naw na m’lung ngaih ning m’khoichak ci, cicu na shüm vai.

NG'THU K'THUUK~ 21:2 Referans Kwoze

NG'THU K'THUUK~ 16:2

Nang naw na bi phung cu bämcam ciah na ngai ci, Cun ung phi Bawipa naw na m’lung kyong m’khoichak ci.

NG'THU K'THUUK~ 16:25

Dung ciah nami ngaih ah lam naw sih nak ung ning hteh pui gui khai.

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

NG'THU K'THUUK~ 30:12

Ami mät naw ami mät theingcim ciah ngai ciah chang gui om ci gui. Cun ung phi ngami cu lelawi ci gui.

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

NG'THU K'THUUK~ 24:12

Nangmi naw nami bi vai ah kyak ciah kä nami ngai khai. Cun ung phi Khanpughi naw nami m’lung ngaih cu hmat ne m’khoichak ci. Ani naw k’pang ne ning ngäng gui ci, ning hmat gui ci. Ani naw nami bi ah ciah ning m’cümhnah gui khai.

JAMES 1:22

Thucim nami ngaihyak nak tu düt awn kä nami hleeihlak-en vai nei; cun ah thu cu akcang ah nami mang thei vai nei.

SAM 36:2

Amät naw amät m’hlüngtai ne, yei nah ne, Khanpughi naw a katnak cu kä hmuh pe ne, kä m’kyuk khai ah ngai ne yei ci.

KALATIAN 6:3

Amät bä ciah ngai ci cu, amät kä bä ciah a kyak law ung, amät naw amät m’hleei ciah kyak ci.

NG'THU K'THUUK~ 20:6

Chang päng naw amät a i hlawk ah a hläkhäm la a bekhüt ah mawng cu pyen ci, Cun ung phi k’tha na ne nami shui vai, a u ang ak cang cu?

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

NG'THU K'THUUK~ 12:15

Chang gu ang gui naw angtäi sei ami mät hman ciah ngai ci gui. Cüivai ci naw m’cäi ä ngai ci.

JOB 31:6

Khanpughi naw ng’düng ciah nüt nak awn na nüt sä. Cun kawn ah kei, a i hawkcha ah changniah ka kyak cu ani naw hmuk k hai.

NG'THU K'THUUK~ 17:3

Ghui la ngui cu mei awn m’num ah kyak ci, chang ah m’lung kyong cu Bawipa naw m’num ci.

DANIEL 5:27

Khiin, nang cu khiin nak ung ning khiin u sei ang htei ah na yaang aih ci;