NG'THU K'THUUK~ 21:16 - Cho Bible Common Language 2016

¹⁶ Nikiom nak hteh ta ne ng’vak shüi ci gui cu sih nak naw ngäng gui ci.

NG'THU K'THUUK~ 21:16 Referans Kwoze

HEBRU 10:38

Ng’düng ciah kakchang gui cu yum ne ghing khai gui nei; Cung ung phi ng’hlat ba ciah chang läi cu, kei naw kä ka yei nak khai nei,” ciah om ci.

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

SAM 49:14

Ngami cu htome ah mäih ah khomü sei sik ci gui, sih nak cu ngami ah htoshäm ah kyak ci. Ng’düng ci gui naw ngami cu näng gui sei, ami pumsa cu ang ghit ah thuka ne, ami im awn ng’shawng ciah sih nak ah kho ah gawk ci.

JUDE 1:12

Ngahmi cu kä lü ng’aa neh, ei aw plawihnai u ne, nami mang ei küikyang cu thang m’shet ci gui nei. Ngah mi cu ami mät ah hmawk bäng teng ci gui. Ngami cu khaw ah phi kä aa hlawt ciah, khawkhi naw a yon shüishüi ah khaw ng’mei awn täng ci gui. Kä m’theihpai sei, Khaw cingkhaw ah ang yung ah mawi ne m’shän ung chawng ne sik ciah singghing awn phi täng ci gui.

1 JOHAN 2:19

Cun ah chang gui cu a i yah ung phi mikmi awn kä pui m’ca ci gui ah kya ne, na hteh tah gui ci gui nei. Ngami cu mikmi awn a täng ah pui m’ca ci gui ah mi chang ah ami kyak ung mikmi awn a täng ah om khai gui sü te nei. Cun ung phi ngami ami hteh cu, ngami ungka a u chang phi, mikmi awn kä ng’gui ng’phaa ba ci, cicu akdei ah ang dang nak ah kyak ci nei.

EPHESIAN 2:1

Yanä nang mi cu ngaih she nak la shetkat nak ung mümcha aksi ah nami kyak ci.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

NG'THU K'THUUK~ 13:20

Cüivai ci awn ng’khawtsheng cicu cüivai lawk ci, Chang kaa awn ng’khawtsheng cicu dishum thei ci.

NG'THU K'THUUK~ 9:18

Ani ah chang gui naw a im ung lut ciah chang gui ami sih la lut pyi ciah chang gui tuhbäi akthuuk pikbäih sih nak ah kho ung ami om cu kä hmat ci gui.

NG'THU K'THUUK~ 2:13

Cun ah chang gui cu düng ciah ghin nak nawng u ne, katnak ah khawmü ung om ci gui ah kyak ci.

NG'THU K'THUUK~ 11:19

Hman ci bi vai ah k’bäi cicu ghing khai, hma ci bi vai ah ling cicu sik khai.

EZEKIEL 18:24

“Cun ung phi düng ciah chang naw akni abi nawng ne, Chang she gui ah bi ah akshe gui la shemshai ci gui cu abi ah a kyak ung ani cu ghing lä khai ang? Ka nei, ani akni abi phung kä shüm pet vai nei. Kä abekhüt nak la akat nak ah phäh ah ani cu sik khai nei.

NG'THU K'THUUK~ 5:23

Ani cu amät naw amät kä pang hlawt ne sik ci. Kä a k’üüp hlawt ah a cheishoh nak naw ang ciim hmun ah hteh püi khai.

NG'THU K'THUUK~ 19:16

Khanpughi ah thukhän gui cu nak pan vai, Cun ung akshou na ghing khai, na nawng dut ung lai na sik khai nei.