NG'THU K'THUUK~ 21:12 - Cho Bible Common Language 2016

¹² Düng ciah Khanpughi naw chang shekha ah im kyong ung a i ah kyak ci, cicu hmat ci. Ani naw chang shekha gui cu dishum nak ung hteh püi gui ci.

NG'THU K'THUUK~ 21:12 Referans Kwoze

NG'THU K'THUUK~ 14:11

Changshe ah im cu adi kawn ah phi changniah im cu ng’dui ba la khai.

1 KORIN 10:5

Cun ung phi ngami ungka akda pi cu Khanpughi ah kä ng’yak hlü gui ah kya ne, ami gook gui cu bungpuk ah ho shüt ci.

AMOS 4:11

“Kei naw nangmi am shah gui cu ka ning m’di gui khai, Sodom la Komorrah ah mäih ah nangmi ungka pawih ba cicu mei k’däi ungka lak ah htung ciuh ah mäih ah kyak khai. Cun ung phi nangmi kei ah kä nami law ba ci” cine Bawipa naw pyen ci.

NG'THU K'THUUK~ 14:32

Chang shekha gui naw akshe ami bi nak awn ami mät ah kyuk taat nak vai cu law pui ci gui. Cung ung phi changni gui cu ami niba nak naw shungvong gui ci.

SAM 107:43

Cüivai ciah chang gui naw shin ah mawng cu ngaih-tüh u sä, Bawipa ah ng’täi ciah am hni nak cu hmat u sä.

SAM 52:5

Cun ah kyasei nang cu Khanpughi naw ning m’shet lä khai; Nang cu ning pang ne na im ung ka ning täm ne, A hnun ghing ah om nak ah kho ung ka ning k’plon khai.

JOB 8:15

Ngami naw bangkaga ah ng’gan ung ami ng’bah ung cun naw m’khüt hning khai ang? Ngami naw pyai ung ami ng’pan ung ami ng’düih ba hlawt vai ah acun naw bawm gui khai aw?”

JOB 5:3

Kei naw m’lung üp nak dang sak ciah akgu-ang gui ka hmuk ci, Cun ung phi ngami ah im ah khan ah kei naw ang ghit plah taam nak ka khü ci.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

NG'THU K'THUUK~ 13:6

Düng nak naw ni nak cu shungvong ci. Shetkat nak cu shekak ci gui ah yung kyak nak ah kyak ci.

ATÜNNAK 19:29

Khanpughi naw Lotah ah om nak ah khaw ng’nawi ung mang gaw gui cu amdi yah ung, Abraham cu amlung ung shüm ba neta Lotah cu phyawn sak ci.

NG'THU K'THUUK~ 29:16

Changshe gui cu ami huham mah law ah a kyak ung, leibei da lawk ci. Cun ung phi düng ciah chang gui cu cun gui ah yung kyak vü hmuk khai ah ghing khai gui.