NG'THU K'THUUK~ 21:10 - Cho Bible Common Language 2016

¹⁰ Chang shekha gui cu angtäi sei akshe bi vai ah cawi gha ci gui. Ngami naw au phi kä m’gein ci gui.

NG'THU K'THUUK~ 21:10 Referans Kwoze

1 JOHAN 2:16

M’dek khan ng’yak hlü gui ah kyak ciah shetkat nak awn ng’yak hlü nak, mik awn hmu ne yak hlü nak, khähghah läma nak gui cu Pa Khanpughi ung ka lawk ciah kä kyak ci, khomdek khan ungka lawk ciah kyak ci.

NG'THU K'THUUK~ 3:29

Na pei leng ah ka naw am neh vai ah a i kä na pawng püi en vai. Ani cu na pei ah om ci, ning ngaih gep ci,

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

1 KORIN 10:6

Shin ah m’tumtäng nak cu mikmi ah phäh ah kya ci, cun ah kia sei, ngami ah bi ah mäih ah akshekha gui cu kä mi ng’yak hlü en vai;

NG'THU K'THUUK~ 21:13

Dukhaih ciah chang ah kyah kä na ngaih hlü ah a kyak ung, ami ning m’htei vai ah na mät naw kyap ne na ng’yoih cu a u naw kä ng’yak khai.

NG'THU K'THUUK~ 12:12

Chang shekha avan naw ang yak hlü cu akshe shui ne bi vai ah kyak ci, Cun ung phi düng ciah chang cu khäng sei ng’düi ci.

SAM 112:9

Ani naw ng’khai ne dukhaih ci gui cu pe taak gui ci, ani ah nibä nak cu kä shum hlawk ci; Ani cu huham ah sei chang m’sui khai gui.

SAM 112:5

Ng’khai ne chang am k’pu m’hnih thei ciah chang cu yeikyai nak om ci, Ani naw abi lawh phung düngshung sei bik ci.

SAM 36:4

A ih ng’zän nak ung phi akshe bäng ngaih-tüh ci; Akni phung a i kä bik ci; akshe phung kä hnu nak ci.

NG'THU K'THUUK~ 2:14

Ngami cu cheishoh nak bi ne yeikyai nak shui u ne, akshe kha ung hüi thaw ci gui ah kyak ci.

NG'THU K'THUUK~ 14:21

Nang cu na yeikyai hlü ah a kyak ung dukhaih ci na m’gein vai, chang paphi cu katnak ah kyak ci.

NG'THU K'THUUK~ 21:9

Thushai aih ciah chu awn im kyong ah om ah k’dam, im khuih nak ah khan ah hteit ne om cu bä tuba ci.