NG'THU K'THUUK~ 21:1 - Cho Bible Common Language 2016

¹ Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.

NG'THU K'THUUK~ 21:1 Referans Kwoze

NG'THU K'THUUK~ 16:9

Nangmi naw bi vai ah nami pawng pui ci, Cun ung phi nami hnun thawh nak ung Khanpughi naw ning m’shumthein gui ci.

NG'THU K'THUUK~ 20:24

Bawipa naw mi hteh nak vai m’hnütbäi ci. Amat ah ghin nak ah hteh nak vai täng cu a u chang naw hmat hning khai ang?

EZRA 6:22

Ngami naw k’caw kä shum ah m’htut ei nak ah pawi cu hnüüp chih ung yeikyai ne bik ci gui. Ngami cu yeikyai aih ci gui. A i ah kyasei ci ung Bawipa naw Assiria ghangpughang cu ngami m’hlüngtai gui khai ah bii bik ci. Cun ah kyasei Israel Khanpughi ah Taigüim ami cawh ba nak bii ami bi cu ani naw k’cang na gui ci.

LAMKTU 7:10

Cun ung phi ani cu Khanpughi naw a täng ah om püi neh, gein vai nak gui ung ka, phiawn sak ci. Josef cu Egypt ghangpughang ah ma ah a gawk law ung Khanpughi naw a hmai kiang sak neh hmuh hmat nak phi pek ci. Cun ah kya sei ghangpughang naw ani cu, Egypt khaw ung bawi ng’vaipi la gawnu mang ah k’hmoh ci.

NG'THU K'THUUK~ 16:1

Mikmi nawa bi vai cu mi pawng pui ci, cun ung phi ak hnu ah Khanpughi naw ng’thu pyen ci.

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

SAM 106:46

Ngami pha ne chum gui ci gui cu ng’zuu ne ami thüi vai ah ani naw bik ci.

ISAIAH 43:19

Kei naw ka bi law vai ah amawng akthai cu ngäing vä. Cun cu kya law pyi ci nei — tuhbäi nangmi naw nami hmu hning ci nei! Kei naw khong’gau khaw kan ne lam ka pyang khai nei, cun ung tui lawng gui ka ning pe gui khai nei.

SAM 105:25

Egypt chang gui naw akchang gui ami gen gui vai ah bi ne, a changshäm gui ami thei leh nak gui vai ah bik ci.

NEHEMIAH 2:4

Uktubawi naw, “Cun ung nang naw a i ang na ng’yak hlü?” Kei naw khankhaw Khanpughi ah ma ah taigü neta,

NEHEMIAH 1:11

Tuhbäi kei ah taigü na ngaih pe ä, nang ning m’tamkhah hlük ciah a hei na chang gui ami van ah taigü phi ngaih peä. Tuhngawi kei ung näng nak na yuk pe lawä, uktu bawi am kei cu na chimgein sak ä.” Cun yah ung kei cu uktu bawi am sapyit tui thak ciah ka kyak ci nei.

SAM 74:15

Nang naw tui k’cüih tui khawng na pawk sak ci, tuinu lawng phi na kawi sak ci.

ISAIAH 44:27

Kei naw thumkhäm m’kha ät awn tuinu ka kawi sak ci.

SAM 93:4

Bawipa naw hlüngtai ne khan kho cu uk ci, Ani cu tuinu ah gaai ah mä dämduh pi ne, tuinu ah ng’hnawh ata hlüngtai pi ci nei.

THU PHLAAN 16:12

Akchuk nak ah khankho chang naw a eikbei ungka cu Euphratis tuinu ah khan ah yuk huk khätah cun ah tuinu cu kawi ne ket sei, hnii law lam ah kaa ghangpughang gui ah law nak vai ah lam cu ng’hmawng lawk ci.

THU PHLAAN 16:4

Akthum nak ah khankho chang naw a eikbei ungka cu tuinu tuihta avan ah khan ah yuk huk khätah, cun ah tui gui avan cu si ah ng’lat yawp ci.

SAM 114:5

Tuinu, a i ah kiyasei na dawng ang? O Jordan tuinu, a i ah kyasei na ng’düm ang?

SAM 114:3

Tuisen tuinu naw hmu neta dawng ci, Jordan tuinu cu kä lon ah ng’düm ci.

JEREMIAH 39:12

“Hteit ne Jeremiah hmu neta ak ni ah m’hter ä. Akna ah kä na bi vai, cun ung phi angyak hlü phang nami bi pek vai.”

PHYAWN NAK 7:3

Cun ung phi ghangpughang cu kei naw ka ling sak khai, ani naw kä ning ngai khai, Egypt khaw ah kyihkyawk vai a i chü ka bi ung phi ani naw a i ah kä ngai khai. Cun kawn ah nuipai ciah m’kyuk nak cu Egypt ah khan ah law püi ne, ka changpakhui gui cu cun ah khaw ungka ka hteh püi ba gui khai.

2 GHANGPUGHANG GUI 19:33

Ani cu shin ah mang gaw ung kä luh ling ah a law nak ah lam ung ng’hlat ba khai. Kei, Bawipa naw ka pyen nei.

EZRA 1:1

Sairus cu Persia Uktubawi ah a kyak nak akum htük nak ung prophet Jeremiah ung Bawipa naw a pyen ah ng’thu cu bäi lawk ci. Ani naw Sairus cu a shin ah thumkhän ang ng’shäu vai ah thawh let sak ci. Ca awn gu neta ani ah uknak khaw nü ung m’lau ne phat vai ah tüi gui ci.

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

NEHEMIAH 2:8

Mang ah khawbung m’htei ciah Asaph am, Taigüim ngäng nak vai ah m’kawt gui pyan nak vai ah sing gui, mang gaw k’paang gui la kei ah om nak vai im cawh nak vai ah sing gui ana pek tu vai ah m’cäi nak ah ca a guk vai ah ka thäh ci. Uktubawi naw ka k’thäh avan na pek ci, a i ah kyasei ci ung kei cu Khanpughi naw na om püi ci.

ESTA 2:17

Ghangpughang naw a hei hnumi hta gui ah ta ani cu m’hni pi ci, a hei gui ah ta yei na pi ci. Ani naw mang lukhu alu ung k’bün neta, Vashti ah hnün ung ghangpughangnu ah tha ci.