NG'THU K'THUUK~ 20:7 - Cho Bible Common Language 2016

⁷ Dung ne om ne cang nak bi ci ami pa nak ung a hmaw gui cu ami khaw ding ci.

NG'THU K'THUUK~ 20:7 Referans Kwoze

SAM 112:2

Changni ah hta nau gui cu kho avan ung ami huham om khai; Ani ah hta ng’shon gui cu hriham gah khai gui.

SAM 37:26

Ani cu angtäi sei chang-am pe taak, pu m’hnih ciah kya ne, a hta nau gui naw m’shum phyuk nak gah ci gui.

JEREMIAH 32:39

Ami mät la ami htangshong ah nikyäp nak vai ah ami na kyih aa thei vai ah: ngami am ami ghin nak ah bünak atumat bäng ka pek khai.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

NG'THU K'THUUK~ 19:1

Dukhaih pang ne phi dung ciah chang cu, hleehlak omshe ciah ta ba pi ci.

NG'THU K'THUUK~ 13:22

Changnicu atu a hta am anawng pek shüt vai khawh om ci, Cun ung phi cheishoh ci gui ah khawh cu düng gui ah kut ung gawk khai.

NG'THU K'THUUK~ 14:2

Nami htingling vai. Htingling ci naw Bawipa a kyih aa nak dang sak ci. Kä nami htingling ung kä nami kyih aa ciah kyak ci.

SAM 15:2

Cun cu, avan cung Khanpughi ngai ne, angtäi sei düng nak bik ne, ang’thu cu düng ne, ng’awi gi sei,

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

SAM 26:1

O Bawipa, kei cu düng ci bi ne, nang ung akbe ah ka ng’ap ci kyasei, Kei täng ah na bi lawh vai nei.

ISAIAH 33:15

Nang cu hman ciah ng’thu ne, düng ciah nabi vang na k’pawih hning ci nei. Dukhaih ci k’titaih nak vai ah nami huham kä nami mang vai, ng’mü khawh kä nami dou vai. Chang ngawn khai ah pawng ci ung phi kä nami ng’gui tu vai.

SAM 26:11

Cun ung phi, kei läi cu, düng ci ka bik ci, kei cu na chimgein ne, na hun ä!

JOB 1:1

Uz khaw ung Joba ming nak ciah chang tumat om ci. Ani cu Khanpughi khawihnah ne akni ung bekhüt ci. Ani cu chang niah kyak ci. Akshe kä a bi vai ah geing nak ci.

NG'THU K'THUUK~ 14:26

Bawipa kyih aa nak naw m’lung up nak la ngaih gep nak cu acun ah chang la akyong khui am pek ci.