NG'THU K'THUUK~ 20:25 - Cho Bible Common Language 2016

²⁵ Khanpughi am na douthak vai ah shai kä na taak pha ung, geing na ne na ngaih-tüh vai. Akawn ah na ng’yu ba khai nei.

NG'THU K'THUUK~ 20:25 Referans Kwoze

MATTHE 5:33

‘Cun kawn ah, thukhän shaitaak kä plawh vai, Khanpughi ah ma ah thukhän shaitaak ah mäih ah bilawh vai’ cicu nami hmu ng’ya pyii ci.

TAIGÜTHUM 5:15

Chang tumat naw kä ngaih-tüh ah Bawipa am pek vai ah ak theing cu a pek vai a häu ah a kyak ung, ani naw thungba nak douthak nak ah kä kheihlik ciah htome baw, me baw ak hla a law püi vai. Cun cu aküikyang ah a phu ami k’bäi ah kyak ci.

NG'THU K'THUUK~ 18:7

Chang gu ang cu ang thu tu ung amat ah di nak vai ah ng’thu ci, Ani cu amat ah ng’thu ah cuun naw pha ba ci.

NG'THU K'THUUK~ 18:13

Ng’thu ka na m’shan phi ung na ngaih ma vai, ka cun ung nang cu shekha nak la päipih nak na gah khai.

THUSHÄUTU 5:2

Kä ng’thu pha ung ngaih-tüh ma vai, Khanpughi ah akten ah shai kä tak vai. Ani cu khankho ah om ci, nang cu khomdek ung na om ci. Cun ah kyasei, pyen khin vai ah kawn ah däm khai ah kä nami ng’thu vai.

THULÄÄN NAK 23:22

Bawipa ung shaitak kä bi ung katnak ah kä kyak ci,

THULÄÄN NAK 23:23

cun ung phi nami mät ah m’hni ah shaitak nami bi ah a kyak ung, ng’htei cha khai ah nami pan vai.

THULÄÄN NAK 23:24

“Nang cu chang, tumat ah sapyit lo lam ung na hteh ung, na ei hlü ah sapyit theih avan na ei hning ci, cun ung phi api phi vawh ung m’khäp ne kä na hteh püi vai.

SUKI GUI 21:22

Ami pa gui, käcung ami phäinau gui law ne ami ning häu law gui ah a kyak ung, nami pyen vai cu, “Nami bä ni, na khäm sak gui vä, a i ah kyasei ci ung, keimi naw kami chu gui vai ng’tuk nak ung kami lak ka kä kyak ci. Nangmi naw nami na pek gui ah phi kä kyak ci, nangmi nami shaitak nami m’shet ciah kä kyak ci,” cik ci gui.