NG'THU K'THUUK~ 20:22 - Cho Bible Common Language 2016

²² Cheishoh nak cu na pek ba vai ah na mat naw ka na lak vai, Bawipa ung na ap vai, cun cu ani naw hman sak khai.

NG'THU K'THUUK~ 20:22 Referans Kwoze

1 THESSALONIAN 5:15

Akshe cu akshe awn kä nami thung ba vai nei, nami mät gui ah ni kiom nak vai ah, chang avan ah ni kyom nak vai cu, angtäi sei shui ne nami tha nak vai nei.

NG'THU K'THUUK~ 24:29

“Kei ah khan ah a bi ah mäih ah ani ah khan ah ka bi tuba khai, a bi ah mäiha ah ka thung ba khai” cine kä na pyen vai.

NG'THU K'THUUK~ 17:13

Akshe cu akni awn na sah ung na im k’caw ung akshe ka law hteit hlawt khai.

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

THULÄÄN NAK 32:35

Bawipa naw phu tu ne ngami cu m’kyuk gui khai, Ngami ami yung kyak nak ah khin gawk lawk khai. Ami ng’yiin nak vai ah hnüüp cu ng’et lawk ci.

1 PETER 2:23

Shedam nak ci phi kä shedam na tu ba ci, a geinvai yah ung phi, a u kä ng’vanglaak na ne, düng sei m’khoichak ciah Khanpughi ung, ang ngaih u nak cu ap ci.

MATTHE 5:39

Cun ung phi nangmi ning kat na gui ciah chang ah khan ah phu kä nami tuk vai, cine kei naw ka pyein ci. Nak pat lam nang being ami ning k’beeih ung, nak eng lam nang being mä nacun ba vai.

1 PETER 4:19

Cun ah kyasei Khanpughi ah ang yak hlü ah geinvai nak gah ciah chang gui cu, akni ah hnüntho u ne, angtäi sei a shaitaak küm ciah Pushihpi ah ami ghin nak avan ng’ap u sä.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

2 SAMUEL 16:12

Bawipa naw ka cümbawng nak cu hmat neta, ani ah shai she ah hnün ung hriham cu na pe hman khai nei” cik ci.

ISAIAH 40:31

Cun ung phi Bawipa naw am htei vai ah ng’ap ciah chang gui naw, thagui akthai hmuk khai gui. Ghui zongzung ah mäih ah ami ng’phia phiat ne zong khai gui, ami dawng ung phi kä bawngbai khai gui; lam ami hteh ung phi kä khüi kha khai gui.

SAM 37:34

Bawipa ung ngaih u nak ta ne, ang thum khen cu läk vä; ani naw ng’dü khaw ning pe gui ne, ning m’taam khah gui khai; changshe ak täm cu nang mi naw nami hmuk khai.

NG'THU K'THUUK~ 20:21

Zai pi ciah na gah ah khawh naw ken pi ciah ni nak ning pek khai.

TAIGÜTHUM 19:18

A u chang ah khan ah phi phu kä na tuk vai, käcung kä na thüi nak lä vai. Cun ung phi na paw chang cu na mät na m’hni ah mäih ah na m’hni vai. Kei cu Bawipa nei.

1 SAMUEL 25:13

David naw k’bäi ne, “Nami khim k’bah vä” ci sei ami van naw k’bah ci gui. David phi a khim k’bah neta, a chang phia phli cu khah püi ne, phia goi am ami khawh cham gui cu ngäng sak gui ci.

SAM 37:40

Bawipa naw ngami cu m’htei gui ne, gung gui ne; changshe ah kut ung phyawn gui ci, ngami cu ani ung ng’yii ci gui.

NG'THU K'THUUK~ 19:11

Langkha ciah chang naw am lung ah sou nak cu k’uup hning ci. Na khan ah chang naw a hma law ung na ngaih pek cu dämduh ciah ni kyom nak ah kyak ci.