NG'THU K'THUUK~ 20:20 - Cho Bible Common Language 2016

²⁰ Na nupa na plah taam ung nang ah ghin nak cu hmup khui ung phat ciah mei im ah maih ah ng’pyi khai.

NG'THU K'THUUK~ 20:20 Referans Kwoze

PHYAWN NAK 21:17

Apa baw, anu baw plah taam ciah chang cu amät ngawn vai.

NG'THU K'THUUK~ 30:11

Apa plahtam ne anu kä yum ngak ciah chang amshah om ci,

NG'THU K'THUUK~ 24:20

Chang shekha cu ama lam ah ka vai a i kä om ci — Ma lam ah a hmuh nak thei vai a i kä om ci.

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

MATTHE 15:4

Khanpughi naw, ‘Nanu la napa cu nak chang m’sui vai, anu pa yüi gen ciah chang cu sih nak gah sä,” cine thu khän ci.

NG'THU K'THUUK~ 30:17

Apa gaih m’gin ne ghi lawk ciah anu päipih ciah chang cu langta gui naw ei khai gui nei, kaap gui naw amik kawih khai gui nei.

TAIGÜTHUM 20:9

Bawipa naw shin ah thungyo gui cu pe gui ci. A u chang phi anu apa plah ciah chang phung cu, ngawn vai, ani cu amät ah sik nak vai bik ciah kyak ci.

PHYAWN NAK 20:12

“Na nu la na pa cu na chang m’sui vai, cun ung ka ning pek ah khaw ung ghing shon ne na om khai.

MATTHE 25:8

Kä lunglang ci gui cun naw, kä lunglang ci gui-am ‘Kami mei si lawk khai kyak ci, yanan api na pe tu gui vä,’ cine ng’yoi tuk ci gui. Kä lunglang ciah lamihta gui naw,

MATTHE 22:13

Cun kawn ah ghangpughang naw, ak changshäm gui-am, ‘Shin ah chang cu a kut kho pin ne khit netah, ak pung ah hmüp khui ah m’shän vä, a cu ah ani cu kyap ne m’lau ne, aha htui ne om sä’ cine kyak na gui ci,” cine pyein ci.

NG'THU K'THUUK~ 13:9

Düng ciah chang cu pyü ne ng’shü ciah akdei ah mäih ah kyak ci. Cun ung phi chang shekha cu phät lawk khai ah mei im ah mäih ah kyak ci.

THULÄÄN NAK 27:16

“Khanpughi ah plah taam nak cu anu, apa, kä m’tamkhah ciah chang päng ah khan ah gawk sä. “Chang avan naw ami m’shan vai cu, “Amen!”

JOB 18:18

Ani cu ghin nak ah kho ungka naw k’täm khai gui. Akdei nak ungka naw a hmüp nak ah k’täm khai guii.

NG'THU K'THUUK~ 20:21

Zai pi ciah na gah ah khawh naw ken pi ciah ni nak ning pek khai.