NG'THU K'THUUK~ 20:18 - Cho Bible Common Language 2016

¹⁸ Nik ciah m’cumcäii nak cu na dou vai, cun ung na nang khai, kapawng htei ah ng’tuk bi nak ah ka na hteh vai.

NG'THU K'THUUK~ 20:18 Referans Kwoze

NG'THU K'THUUK~ 24:6

Cun kawn ah ng’tuk kä na bi pha ung geik na ne na pawng htei vai. M’cumcä nak akni na gah pi ung na näng vai ng’hteicha pi khai.

LUKA 14:31

“Ghangpughang tumat cu, gakap phia-ghaa ng’khahpüi ne, gakap phiaa m’ku khah püi ciah, a hei ghangpughang cu, tuk khai ah ang düih law ung kam khüt khai ang? kä ka m’khüt khai ang! cine, ngo ne ngaih-tüh cang khai ah kä kya ne ang?

NG'THU K'THUUK~ 15:22

M’cäi ä nak avan dou ci naw näng nak gah ci, kä dou cicu shum nak ung gawk ci.

NG'THU K'THUUK~ 11:14

Lam shüm ci kä a om ung pakhui kho cu kya ne ng’täng ci. M’shüm thein ci ada ung lawt nak om ci.

SUKI GUI 20:18

Israel gui cu Bethela ah khawihnah nak ah hmun ung htet u neta, Khanpughi cu ng’shik ci gui, “A i pakhui naw Benjamin gui cu a tuk ma vai ang?” Bawipa naw, “Judah pakhui” cik ci.

SUKI GUI 20:7

Shin ung nami van cu Israel ah nami kyak ci. Shin ah mawng ung mikmi naw a i mi bik khai ang? cik ci gui.

NG'THU K'THUUK~ 25:8

Na hmuh ah mawng pyen vai ah ang ghit aih ah yung ah kä na hteh vai, a kawn ah ahei saksi naw law ne na hma ciah a pyen ung a i ah na kyak khai aw?

SUKI GUI 9:29

Kei naw shin ah chang gui ma ka tawn läi ung, Abimelek cu ka nawt heng khai nei! Kei naw ani ka pyen nak khai, “Na gakap gui k’tha be sak ne, law ne na tu law ä!”

SUKI GUI 19:30

Acun hmu tuk ciah chang päng naw, “Shin ah mäih cu kä ng’yak tu man nei! Israel gui naw Egypt khaw hteh tak kawn ah shin ah mäih cu kä kia man ci nei! Shin ah a mawng ung mikmi naw a i bawta mi bik khai nei! A i mi bik khai ang?” cik ci gui.

1 GHANGPUGHANG GUI 1:12

Na hnun-gui la na hta Solomon ah hnun-gui nak phyawn hlü ah a kyak ung, kei naw ka ning m’shümthein khai,

2 GHANGPUGHANG GUI 18:20

Ani naw akthäh cu, Ga tuk nak la ga näng nak cu ng’thu m’gawng naw m’khüt khai ah na ngai ne ma? Assiria na hnugntuk nak püi ung a u naw ning bawm khai ah na ngai ne ang?