NG'THU K'THUUK~ 20:14 - Cho Bible Common Language 2016

¹⁴ Khleih ci naw a phu kui aih ci, cine chiu m’da ci, cun ung phi hteit ba neta, khleih ne a gah awn khähghah ci.

NG'THU K'THUUK~ 20:14 Referans Kwoze

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

THUSHÄUTU 1:10

“Teng vä, shin cu akthai nei!” cine chang naw pyen thei ci. Cun ung phi, cun avan cu a cau kya pyi man ci nei, kä mi ng’tüi pha ung kya pyi man ci nei.

NG'THU K'THUUK~ 20:13

Ip dut ne na khin na ng’pyi sak ung, nang cu na du khaih khai. Na bi vai ada ung na ei vai da khai.

NG'THU K'THUUK~ 20:15

Nang naw na mat ah pyen ah ng’thu cu na hmat ah a kyak ung, nang ung ghui la pyülung ah a phu kui pi cicu om ciah kyak ci.

EZEKIEL 7:12

Akhin cu gawk lawk ci nei. Hleih nak la yoih nak ai ah kä a ng’hmat nak ah a khin cu gawk lawk ci nei, ai ah kyasei ci ung khanpughi ah am kyuk nak cu chang nü ah khan ah atäng ah kya lawk khai nei.