NG'THU K'THUUK~ 20:13 - Cho Bible Common Language 2016

¹³ Ip dut ne na khin na ng’pyi sak ung, nang cu na du khaih khai. Na bi vai ada ung na ei vai da khai.

NG'THU K'THUUK~ 20:13 Referans Kwoze

NG'THU K'THUUK~ 19:15

Na yum ung dam ne om a, ip a, Cun ung phi ei ah na cawi khai nei.

ROMAN 12:11

Kä damduh ne k’tha na ne bi nami bi vai. Nami m’lung kyong avan ap ne Khanpughi ah khuut nami bi vai.

NG'THU K'THUUK~ 12:11

Khüighat ne lo bik cicu a ei vai da ci. Cun ung phi kholä ciah bi ung akhin ng’pyi sak cicu ak gu-ang ah kyak ci.

NG'THU K'THUUK~ 10:4

Damduh cicu dukhaih ci, khüighat cicu bühmang ci.

NG'THU K'THUUK~ 13:4

Dam ciah chang naw a i hlawk ah ang yak hlü phi kä gah hlawt ci. Ng’khüi ne bik ci naw angyak hlü phung gah ci.

2 THESSALONIAN 3:10

Keimi cu nangmi awn a täng ah kami om yah ung, “Bi kä bik hlük ci naw ei kä ah ei-en vai,” cine kami ning m’thei gui ci.

ROMAN 13:11

Nang mi cu nami ih nak ungka nami thawh nak ba vai ah a khin gawk law ciah nami hmat pyi ci kya sei, ng’yumhni tu ne nami om vai. A i ah kya sei ci ung mikmi naw hun nak mi gah nak vai ah khaw hnüüp cu, mi yum law nak htük ah mä, ang et law pi k’täi ah hmawk ah kyak ci.

EPHESIAN 5:14

Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

JONAH 1:6

Htinpaw kepting naw ani cu hmu neta, “A i ah kyasei na ih ang? Tho law ne na Khanpughi ah taigü ä! Ani naw mikmi ah hmawk ah ng’ä neta, mi hnun gui nak phyawn gui hman khai nei” cik ci.

1 KORIN 15:34

Ng’düng nak awn law vä, nami katnak phung nawng shüt vä. Nangmi ungka amshah naw Khanpughi kä hmat ci, cun ah ka pyein cu nami lü ng’aa nak vai ah hmawk ah kyak ci.

NG'THU K'THUUK~ 20:14

Khleih ci naw a phu kui aih ci, cine chiu m’da ci, cun ung phi hteit ba neta, khleih ne a gah awn khähghah ci.

NG'THU K'THUUK~ 28:19

Ng’khui ne ng’bik ciah chang cu a ei vai da ci, akhin maih sak düt cicu ang tai sei dukhaih ci.

NG'THU K'THUUK~ 31:15

Khaw kä thai pha sei tho law ne, akyong chang gui ah phäh ah ei shong ne, a changshäm gui naw ami bi vai cu m’cäi m’ä gui ci.