NG'THU K'THUUK~ 2:8 - Cho Bible Common Language 2016

⁸ Ani naw akni ah om püi ciah chang cu ngäng ne ani ung bekhüt ciah chang ah hteh nak cu üp oi sak ci.

NG'THU K'THUUK~ 2:8 Referans Kwoze

SAM 23:3

Ani naw thagui akthai na pek ci. A shaitak ah mäih ah düng ciah lam phi na m’shüm ci.

1 SAMUEL 2:9

Ani naw bekhüt ciah ak chang gui ah hnun gui shungvong ci, Cun ung phi changshe gui cu hmüp khui ung maih ci gui; Chang naw amät ah k’thagui awn näng nak kä gah ci.

SAM 145:20

Ani m’hni ciah chang phung cu ani naw shungvong ci, cun ung phi changshe gui cu m’di gui khai nei.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

SAM 66:9

Ani naw ghin vai ah na shum gui ne, mi zu ng’kyak vai phung kä bik ci.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

NG'THU K'THUUK~ 8:20

Kei cu düng ciah lam ung ka hteit ci; taga ciah lam ka läk ci.

SAM 37:28

Bawipa naw düng cicu m’hni ne, bekhüt ciah ak chang cu kä nawng ci, Ani naw angtäi sei ngäng gui ci, Cun ung phi changshe ah hta ng’shon gui cu, gawt ne k’täm gui khai.

SAM 1:6

Düng ciah chang gui cu Bawipa naw lam shüm gui ne, shungvong gui ci, Cun ung phi changshe gui ah hteh nak lam cu dimaih nak ung gawk khai.

THULÄÄN NAK 33:3

Bawipa naw a chang gui m’hni gui ci, Amät ah prophet gui cu m’hni gui ci. Cun ah kyasei a khaw ka ah mi kawp ne, Ang thumkhän gui mi läk khai.

ISAIAH 35:9

A i phongkawng phi cun ung kä om khai; a i sa nget naw phi cun ah lam kä kan khai. Bawipa naw a gun gui ah chang bäng cun ah lam ung hteit ne, ami un ah hteit ba khai gui.

SAM 37:31

Ani naw Khanpughi ah ang thukhän pang ne, am lung ung chum ci, a i sang ung phi kä ng’pai phung ci.

SAM 97:10

Bawipa naw akshe m’keih ci gui cu m’hni yum gui ci; Ani naw akchang gui ah ghin nak cu shungvong ci. Chang ashe ah huham ungka ani naw gung gui ci.