NG'THU K'THUUK~ 2:6 - Cho Bible Common Language 2016

⁶ Bawipa naw cüivai nak cu pek ci, hmuhmat nak la langkha nak cu ani ungka lawk ci.

NG'THU K'THUUK~ 2:6 Referans Kwoze

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

SAM 119:98

Na thumkhän cu angtäi sei kei awn om ci, cun naw ka ga gui ah ta na cüivai sak pi ci.

JOB 32:8

Cun ung phi cun cu m’gäi ciah Khanpughi ah mumcha, cun cu law ne chang gui am cüivai nak pe gui ci,

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

ISAIAH 54:13

“Na chang gui cu kei ka mät naw ka m’thei thang gui khai, bühmang nak la dimdeeih nak ka pe gui khai.

JOHAN 6:45

Profet gui ah ca guk ung, “Chang avan cu Khanpughi naw m’theithang gui khai, Kapa ah ng’thu ng’ya ne akni ah ng’thei ci gui phung cu kei ah law ci gui.

1 GHANGPUGHANG GUI 3:12

nang naw na k’thäh cu kei naw ka bik khai. Ayanä ka man phung la ngawi ah ka vai phung ah ta bä pi ciah cüivai nak la hmuhmat nak cu nang am ka ning pek khai.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

SAM 119:104

Kei cu thukhän awn ka cüivai lawk ci kya ne, akshe bilawh phung cu ka thüi nak ci nei.

DANIEL 2:23

Ka pupa gui ah Khanpughi aw, ning m’hlüngtai ne ka ning tamkhah ci nei, Nang naw cüivai nak la thagui na na pek ci; Nang naw ka taigü na m’shang ne ghangpughang am a i cha ah m’thein vai cu na na m’hmuh gui ci nei.”

DANIEL 1:17

Khanpughi naw cun ah chang nong phli am, ng’thu la ca la ngaih thei nak, hmuhmat nak la m’khüt näng nak cu pe gui ci.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

1 GHANGPUGHANG GUI 4:29

Khanpughi naw Solomon am thuuk aih ciah cüivai nak la lulang nak, kä nütdawng hlawt vai ah dämduh ciah hmuhmat nak cu pek ci.

DANIEL 2:21

Ani naw akhin la khokhi aa cu k’pang ci nei; Ani naw ghangpughang cu hmoh ne chah ba ne cik ci nei; Ani naw cüivai nak la hmuhmat nak cu pek ci nei.

NG'THU K'THUUK~ 6:23

Ngami ah m’shüm thein nak cu ng’shü ne dei ci: ami m’shung m’düng nak naw a i cha ah ghin vai cu ning m’thei ci.

SAM 19:7

Bawipa ah thukhän cu kümbe ci; thagui ak thai pek ci. Bawipa ah thumkhän htangkha ci, kä cüivai cicu cüivai sak ci.

1 GHANGPUGHANG GUI 3:9

Cun ah kyasei cüivai nak cu na peä, kei naw na chang gui taga khai ah ka uk vai hlü ci nei, akni la akshe ah ng’lakmah nak ka hmat vai hlü ci nei. Kä cunung, shin ah dämduh ciah na chang gui cu a i hawk cha ah kei naw ka uk thei khai aw?”

PHYAWN NAK 31:3

Ani cu ka huham awn ka k’be ci. Kei naw ani am, guk then shehpyan nak ung hmuhmat nak, theithang nak, m’khütnäng nak ka pek ci,

1 SHONTÄP NAK 22:12

Bawipa na Khanpughi naw akthuuk hmat nak la cüivai nak cu ning pe sä, cun ung nang naw Israel khaw cu ang thukhän ah mäih ah na uk khai.

NEHEMIAH 7:5

Chang gui, ami ng’vai gui la ami bawi gui k’bum gui ne, ami kyong chang m’hnüt gui k’tä gui vai ah Khanpughi naw kei cu na m’shumphyuk ci. Ami pha nak gui ung ka law ba htük ci gui ah m’hnüt rekawt ah mawng cu kei naw ka hmat ci, kei ah hmuh ah mawng cu shin ah kyak ci.

JOB 22:22

Ani ah m’theithang nak cu dou ne ani ah ng’thu cu nam lung ung tha ä.

SAM 51:6

Bä nak la ng’düng nak cu na m’hni ci kya ne, Na cüivai nak awn ka m’lung na k’be ä.

THUSHÄUTU 2:26

Khanpughi naw cüivai nak, hmuhmat nak la yeikyai nak gui cu ani yumhni ciah chang gui am pe gui ci. Cung phi ani naw shekak ci gui phi, bilaw, shuiyap, m’cum sak gui ci, ngami ah gah tang cu ani yumhni ci gui am pe gui ci. Cun cu avan akholä ah kyak ci. Khokhi gawt ne pha ah mäih ah kyak ci.

1 GHANGPUGHANG GUI 10:24

khaw ah ka ungka avan cu ani ah law hlük ci gui, Khanpughi naw ani am a pek ah cüivai nak cu ng’ngai law hlük ci gui.

EZRA 7:25

“Nang, Ezra naw Khanpughi naw aning pek ah cüvai nak cu mang ne Khanpughi ah ang thukhän awn ghing u ne, Euphratis ah akhei täng ung om ci gui ah chang avan uk gui khai ah uktu gui la suki gui cu na m’düih gui vai nei. Cun ah thukhän cu kä hmat tu phak ci päng am m’thein gui vai nei.

JOB 12:16

Khanpughi cu khüighat ne angtäi sei näng m’khüt ci; hleeihlak la hleeihlak ci gui cu ani ah huham kiong ah om ci.

SAM 19:8

Bawipa ah thumkhän gui cu düng ci, läk ciah chang cu yeikyai sak ci. Bawipa ah thumkhän taga ci, m’lung kyong ung lung’lang nak pek ci.

SAM 94:10

Ani naw changpakhui gui cu züi m’cäi gui ci — ani naw kä m’kyuk gui khai ma? Ani cu chang mi van ah saya ah kyak ci — ani naw a i kä hmat khai ma?

SAM 119:34

Na thukhän cu kei am na m’thein ä, kei naw ka läk khai nei. Ka m’lung avan awn ka shüm khai nei.