NG'THU K'THUUK~ 2:4 - Cho Bible Common Language 2016

⁴ Cüivai nak cu ngui ghui ah mäiha ah na shui vai. Thuh ah khawh yap ah mäih ah na yap vai.

NG'THU K'THUUK~ 2:4 Referans Kwoze

MATTHE 13:44

“Khanpughi ah uknak kho cu shin ah mäih ah kyak ci, Chang tumat naw, lai ah phuh ne gimah khawh ng’peeih cu hmu netah, lin ne phuh ba shüt ci. Cun kawn ah yeikyai ne hteit ba ne, akhawh avan yoi yawp netah, cun ah lai cu khleih ba ci,” cine m’thein gui ci.

MATTHE 19:29

Cun kawn ah phi kei ah hmawk ah a im, am dek, anu apa, a phäi a nau, akchu a hta, tumat mat nawng shüt ciah chang cu, a nawng shüt ah khan ah a phiaa ah däm pi sei gah ba khai, ang täi ghin nak phi gah khai.

NG'THU K'THUUK~ 16:16

Cuivai nak la lunglang nak cu ghui la ngui ah ta ba pi ci — ba pikbähih ci.

JOB 3:21

Ngami naw sih nak cu ngäng ci gui, cun ung phi cun cu kä law phung ci; Ngami naw khawh cham ah ta ng’phuh hmun cu ng’ya hlük ci gui.

LUKA 16:8

Cun ah theileh ne a bilawh ah hmawk ah kä ng’düng cih changvai cu amang naw m’hlüngtai ci. A i ah kyasei ci ung khomdek chang gui cu, khomdek khan ah mawng bilawh nak ung akdei ah hta gui ah mä ami theileh pi ah hmawk ah kyak ci.

THUSHÄUTU 4:8

Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.

NG'THU K'THUUK~ 23:23

Düng nak, cai nak, theithang nak la m’lung ngaih ni — shin gui cu a phu käi ah hleih vai. Cun ung phi nang ah phäh ah yoih vai cu küi aih ci nei.

SAM 119:127

Kei naw na thumkhän cu ghui ah ta ka m’hni pi ci, Ghui k’ni ah ta ka m’hni pi ci.

SAM 119:72

Thukhän na pek cu kei ah hmawk ah khomdek khan ung ngui avan ah bä pi ci nei.

SAM 119:14

Bä m’cam vai ah mä nang ah thumkhän gui läk vai cu kei naw ka yum hni pi ci nei.

SAM 19:10

Cun gui cu ng’ciim ciah ghui ah m’hni pi vai kya ne, tui ciah khoitui ah tui pi ci.

NG'THU K'THUUK~ 2:3

Hmuhmat nak cu akcang ah na ng’yoih vai. Akyong awn na ng’paa vai.

NG'THU K'THUUK~ 8:17

Na m’hni cicu ka m’hni ci: Na shui ci phung naw na hmuk khai.

ATÜNNAK 26:32

A cu hnüüp ung Isaak ah chang gui cu law u ne, tui shawk ne tui ami hmuh ah mawng cu pyen lawk ci gui.

NG'THU K'THUUK~ 4:7

Cüivai nak gah cu aküikyang pi nang ah bi vai ah kyak ci, na gah phung cu na m’lung kyong ung na tha vai.