NG'THU K'THUUK~ 2:2 - Cho Bible Common Language 2016

² Cüivai nak cu na ngaih vai, hmat hning vai ah na k’tha nak vai.

NG'THU K'THUUK~ 2:2 Referans Kwoze

NG'THU K'THUUK~ 23:12

Na saya cu na cun ngaih vai, apäng avan ani ah na ng’thei tu vai.

NG'THU K'THUUK~ 18:1

Chang awn ka om ih thei ciah chang gui cu, ami mat bang ng’yum ci gui. Ngami naw chang van naw hman ciah akbäi cu ka yum tuk ci gui.

SAM 90:12

Kami ghin nak a i hlawk ah a tawi ah mawng cu na m’thei gui ä, cung vah keimi kami cüivai lawk khai.

MATTHE 13:9

Bawipa Jesuh naw akhnu ah, “Nami hnga a om ung ngai ne ng’yah vä,” cine kyak na gui ci.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

THUSHÄUTU 8:16

Kei naw cüivai chang ah kyak vai ah ka tha nak sang ung la khomdek khan ung a i ah kyak ci, cicu ka ng’thei sang ung, kei naw ka hmat cu, nang cu amü a hnüüp na thawhlet khai.

THUSHÄUTU 8:9

Khomdek khan ung ami bi lawh gui ka ngaih-tüh ah akyak ung shin gui avan cu ka hmuk ci, cun ah khaw ung chang amshah cu huham om ci, amshah cu a cun gui ah ka ung yaica ci.

THUSHÄUTU 7:25

Ka mät naw ka mät hmuhmat vai ah tha na ne, ka ng’thei ci; kei naw cüivai nak hmuh vai la ka shi nak gui m’shan nak gah vai ah ka tha nak ci, cun kawn ah shetkat nak la gu-ang nak ah shekha nak phi ka ng’thei thang ci.

LAMKTU 17:11

Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui.

NG'THU K'THUUK~ 2:3

Hmuhmat nak cu akcang ah na ng’yoih vai. Akyong awn na ng’paa vai.

NG'THU K'THUUK~ 4:1

Ka hta gui, nami pa ah ning m’thein gui cu nami ngaih vai, nami ngaih nak vai, cun ung nangmi ung hmuhmat nak om khai.

NG'THU K'THUUK~ 4:20

Ka pyen cu na geing nak vai, ka hta, ka ng’thu na ngaih vai.

NG'THU K'THUUK~ 6:32

Chang ah chu kat püi cicu a i kä hmat ciah kyak ci. Amät naw amät m’di ciah kyak ci.