NG'THU K'THUUK~ 2:19 - Cho Bible Common Language 2016

¹⁹ Ani ah hteit ciah chang phung kä law ba ci. Ghin nak ah lam ung kä ng’hlat law ba ci.

NG'THU K'THUUK~ 2:19 Referans Kwoze

THUSHÄUTU 7:26

Sih nak ah ta kha pi cicu ka hmuk ci, cun cu cuun ah mäih lawk ci hnumi nei. Ani ah ning pek ah m’hni nak cu ng’vai ah mäih ah kyak ci. Nang cu ning phak khai; a ning k’awi nak ah kut naw m’si gui ah mäih ah ning khit khai. Khanpughi yeikyai sak ciah chang naw a cun cu phyawn nak khai, cun ung phi katnak bik cicu a cun naw phak khai.

SAM 81:12

Cun ah kyasei ami ling nak ah hteh sak gui ne, ami ng’yak hlü ka bi sak gui ci.

HOSEA 4:14

Cun ung phi cun ah phäh ah kei naw kä ka m’kyuk gui ci. A i ah kyasei ci ung nangmi nami mät cu ngami awn atäng ah pawmyau nak Taigüim ah hteit u ne, khogam khawihnah nak cu atäng ah nami douthak ci. Thu thuuk naw a pyen cu, ‘Cüivainak kä om ciah chang gui cu dishum khai gui.’

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

JEREMIAH 13:23

Asa le naw avun cu ng’thawng sak hning ne ang? Kawng hta naw a git ng’plon sak hning ne ang? Cun gui ami kyak hning ah a kyak ung akshe gui cu angdüng ah kya thei khai gui nei.

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

SAM 16:11

Nang naw ghin nak ah lam cu na nam shüm khai; Na na om püi nak naw yeikyai nak awn na be sak ne, angtäi hlimtui nak phi law püi ci.

NG'THU K'THUUK~ 5:6

Ani cu ghin nak lam ung kä ng’düm ci, ng’vaak shüi shüi ne a i ah kya lawk khai cicu kä hmat ci.

NG'THU K'THUUK~ 5:11

Sih nak ah na ih phak ung kä thou ne na ng’yän khai, na m’cisa la nak thang cu ning ei yawp khai,

NG'THU K'THUUK~ 6:32

Chang ah chu kat püi cicu a i kä hmat ciah kyak ci. Amät naw amät m’di ciah kyak ci.