NG'THU K'THUUK~ 2:15 - Cho Bible Common Language 2016

¹⁵ Kä chang man, yum nak kä om hlawt ciah chang gui ah kyak ci.

NG'THU K'THUUK~ 2:15 Referans Kwoze

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

NG'THU K'THUUK~ 21:8

Cheishoh ciah chang gui cu lam she ung hteit ci gui, katnak kä om ci gui naw hman ci bik ci gui.

PHILIPPIAN 2:15

Cun ung nangmi cu cheishoh ne katnak bik ci gui ah om nak ah khaw ung Khanpughi ah kümbe ciah hta gui ah kya ne, katnak kä om ne theingthap ciah chang gui ah nami kyak khai.

THULÄÄN NAK 32:5

Cun ung phi nang cu kä na bekhüt ci, ani ah chang ah kä na khin kha ci. Katnak la thuvi nak awn be ciah pakhui ah na kyak ci.

ISAIAH 59:8

nangmi ah om nak a u phi phiawn nak kä om ci. Namibi nü kä taga ci. Nangmi naw ng’koi ciah lam nami läk ci, cun ah lam ung hteit ciah chang phung cu phiawn nak kä om ci.

NG'THU K'THUUK~ 8:8

Kei ah ka pyen päng cu düng ci, Thuvi nak la lam hma nak kä om ci.

NG'THU K'THUUK~ 14:2

Nami htingling vai. Htingling ci naw Bawipa a kyih aa nak dang sak ci. Kä nami htingling ung kä nami kyih aa ciah kyak ci.