NG'THU K'THUUK~ 19:5 - Cho Bible Common Language 2016

⁵ Nang cu yung ah m’kawt ung na hleei na pyen ung m’kyuk nak na gah khai. M’hlawt nak ka om khai.

NG'THU K'THUUK~ 19:5 Referans Kwoze

NG'THU K'THUUK~ 21:28

Hleei ne saksi cu yum vai kä kyak ci. Cun ung phi chang tumat mat naw ngaih-tüh nata ang thu cu dou ah kyak ci.

NG'THU K'THUUK~ 19:9

Yung ah m’kawt ung a hleei pyen cicu m’kyuk nak ka phyawn nak khai, Ani cu ng’yiin khai.

PHYAWN NAK 23:1

“Ng’thukshe cu kä na k’püi tu vai, ng’thukshe awn saksi ne changshe kä na gun tu vai.

DANIEL 6:24

Cun kawn ah ghangpughang naw ng’thu k’bäi ne, Daniela m’kyuk ciah chang gui ami van pha sak gui neta, ami chu gui la ami hta gui awn atäng ah phongkawng awn be ciah khui ung yuk shum gui ci gui. Khui ah anglung kä ami yuk pha pha ung kawng gui naw pah gui ne ami guh avan m’kyem gui ci gui.

THULÄÄN NAK 5:11

“Ka ming akshe ah kä nami mang vai. Ka ng’ming akshe ah mang ci phung cu kei Bawipa nami Khanpughi naw ka m’kyuk khai.

1 GHANGPUGHANG GUI 2:9

Cun ung phi ani kä m’kyuk ah kä na nawng en vai. A i bi vai cu nang naw na hmat ci, ani am sihnak pek nak vai cu nang naw na hmat vai” ciah pyen nak ci.

1 GHANGPUGHANG GUI 13:18

Bethela ah ka prophet naw pyen ah ne, “Kei phi nang ah mäih ah prophet nei, Bawipa ah thumkhän ung khanchang naw ana pyen nak cu, nang cu ka im ah ka mät awn a täng ah ning hteh püi ne ka ning khincha nak vai ah kyak ci” cik ci. Cun ung phi prophet ghipa cu a hleei ah kyak ci.

SAM 56:7

O Khanpughi, ami kat ah hmawk ah m’kyuk gui ä; Na m’lung she nak awn hnim gui ä!

NG'THU K'THUUK~ 14:5

Akcang pyen ciah saksi naw angtäi sei a cang pyen ci. Ka acang pyen ci naw a i a pyen vai ka om sei a hleei pyen ci.

PHYAWN NAK 20:16

“Hleei pyen ne kä na saksi vai.

NG'THU K'THUUK~ 14:25

Ng’dung sei ng’thu ciah saksi naw hnun gui hun ci, a hleei pyen ci naw chang m’shuk chak ci.