NG'THU K'THUUK~ 19:3 - Cho Bible Common Language 2016

³ Chang m’shah gui cu ami mat ah omshe nak awn, ami mat m’dishum u neta, Bawipa cu täitawk ci gui.

NG'THU K'THUUK~ 19:3 Referans Kwoze

SAM 37:7

Hnim gei vai, Bawipa ah hnün thoh cu ging vä; khawh gah thei ciah chang ah hmawk la akshe bi ne näng nak gah ciah hmawk ah kä ng’ä ng’ai vä.

NG'THU K'THUUK~ 11:3

Nang cu na ni ung düng nak naw lam ning m’shüm khai. Kä ng’ap hning ciah chang gui cu ami mät ah kä ng’düng nak naw m’di gui khai.

SAM 37:1

Changshe ah hmawk ah kä nami ng’ä vai, cheishoh ciah hmawk ah kä nami m’thüi vai.

2 GHANGPUGHANG GUI 6:33

Ani cun ah ang thu vai am, ghangpughang gawk law neta, “Shin ah yaica nak mikmi ah khan ah gawk law sak cicu Bawipa ah kyak ci nei! Ani naw a i baw a bi law vai cu a i ah kyasei kei naw ka ngäng lä vai ang?” cik ci.

1 SAMUEL 15:23

Ani hnu ng’tuk püi cu khawshe m’bei ah mäih ah shek ci, lingkeng aih cu agup khawihnah ah mäih ah katnak ah kyak ci. A i ah kyasei ci ung nang naw Bawipa ah thumkhän na hnu ng’tuk püi ci, ani naw na ghangpughang nak cu ning hnu ng’tuk püi ci” cik ci.

1 SAMUEL 13:13

Samuel naw, “Cun cu ak ang ah ngaih-tüh ne bi ah kyak ci,” cik ci. Bawipa nami Khanpughi ah ning pek ah thumkhän cu kä na läk ci. Na läk vai sü ung, nang la na hta ng’shon gui cu ngawi yä Israel nami uk khai ah ning chuiso gui khai sü te.

ISAIAH 32:6

Chang guktaak cu akguktaak ah ng’thu ne, akshe bäng bi vai ah ngaih-tüh ci. Ani abi abi la ang thu naw Bawipa cu ghetaap ci, ani naw ei cawi ci kä m’bei ci, tui gha ci gui am api phi ami awk vai kä pe gui ci.

JOB 15:13

Nang naw Khanpughi m’lungshe na ne cäk cha ah na ng’thu ci nei.

NG’ÄI KYAH 3:39

Mikmi mi katnak ah phäh ah m’kyuk nak mi gah law ung, a i ah kyasei mikmi ng’thu mi m’da ang?

EZEKIEL 18:25

“Cun ung phi nangmi naw, Bawipa naw abi cu kä hman ci, name cik ci. Israel Chang gui na ngai vä. Kei naw ka bi lawh nak gui ah lam cu kä hman ciah name ngai ne ma? Kä hman cicu nangmi ah bi nak ah lam ah kyak ci.