NG'THU K'THUUK~ 19:28 - Cho Bible Common Language 2016

²⁸ Saksi ah m’hnütkbäi awn chang hnim nak ung taga nak kä om ci. Chang shekha gui naw akshe ah tuihlim nak cu m’hni ci gui.

NG'THU K'THUUK~ 19:28 Referans Kwoze

JOB 15:16

Chang naw akshe cu tui ah mäih ah awk ci, Chang cu akcang ah cheishoh ci, alä maih ah kyak ci.

JOB 34:7

Shin ah Joba ah mäih chang cu nami hmu tu man ne ang? Khanpughi a kyih aa nak cu ani naw kä m’dang man ci nei.

HOSEA 4:8

Kei ah ka chang gui ah shetkat nak awn nangmi nami bühmang lawk ci. Cun ah kyasei nangmi naw nami shetkat law pi vai nami ng’ya hlük ci.

NG'THU K'THUUK~ 15:14

Lunglang ciah chang cu theithang hlük ci, cun ung phi chang shekha gui cu ami katnak awn ng’buh ci gui.

SAM 10:11

Changshe naw amät ng’htau pyi ne, “Khanpughi naw a i ah kä na sui ci! Amik m’shing ne, kei cu kä na hmuk ci!” cik ci gui.

SAM 10:5

Changshe cu a päng ung näng ci Khanpughi ah ng’thumcha nak cu kä hmat hlawt ci; a ga gui phi m’lep gui ci.

1 GHANGPUGHANG GUI 21:13

Chang omshe goi naw chang ah ng’lung ung ani cu tawk ni ne, Khanpughi la ghangpughang yeeihkah nak ci nei, ci ni khäta, ani cu mang gaw k’pung ah hteh püi ne lung awn vawi ne ngawn ci gui.

1 GHANGPUGHANG GUI 21:10

Cun kawn ah chang omshe hnih khü goi neta, ngani naw a hmai ung tawk ne, shin ah chang cu khanpughi la ghangpughang yeeihkah nak ci nei, ci ni sä. Cun kawn ah ani cu mang gaw k’pung ah hteh püi ne, lung awn vawi ne ngawn vä” cik ci.

NG'THU K'THUUK~ 19:27

Ka hta aw, ng’theithang nak na nawng ah a kyak ung, na hmat pyi gui cu na nawng ciah kyak khai.

1 GHANGPUGHANG GUI 16:27

Omri ah a bilawh gui phung la ang näng nak gui avan cu Israel ghangpughang gui ah mawng ca-uk ung guk ah kyak ci.

NG'THU K'THUUK~ 16:27

Changshe gui naw chang ami m’di nak vai ah lam cu, shui ci gui, ami ng’thu m’gawng cu akshe mei ah dai ci.