NG'THU K'THUUK~ 19:27 - Cho Bible Common Language 2016

²⁷ Ka hta aw, ng’theithang nak na nawng ah a kyak ung, na hmat pyi gui cu na nawng ciah kyak khai.

NG'THU K'THUUK~ 19:27 Referans Kwoze

MAKUH 4:24

Cun kawn ah bawipa Jesuh naw, “Nami ng’yak cu ng’htei khai ah ngai vä! Nangmi naw chang-am nän ne nami peit nak ung, Khanpughi naw nangmi-am nän ne ning pe ba gui khai; Cun ah däm pi khai ah phi nän ne ning k’bäi pe gui khai.

1 JOHAN 4:1

Ka teihpüi gui aw, Mumcha Theing ka gah ci cik ci phung kä nami yum men vai nei. Ngami ah gah ah Mumcha cu Khanpughi ung kaa lawk ciah a kyak la kä a kyak cu ng’nüm ne nami teng kheng vai nei. A i ah kyasei ci ung profet hleeihlak gui cu kho nüng ung hteit shüi shüi ci gui nei.

MATTHE 7:15

‘Htome ah vun awn ng’hlawp ciah hngei ah mäih ah hleeihlak ne lawk ciah profet gui cu nami geing nak vai.

NG'THU K'THUUK~ 14:7

Chang gu ang ah pei ah ka nami ng’et vai, ngami ung ng’thei tu vai a i ka om ci.

2 JOHAN 1:10

Shin ah m’theithang ah mäih ah kä m’theithang ciah chang a gawk law ah a kyak ung, nami im ah kä nami dou en vai, ‘Nang ung dimdeeih nak om sä,’ cine phi kä nami pyein en vai.

1 TIMOTHI 4:7

Pyein ah kä ni ne yum nak kä om ciah puma awi gui cu nami hlawi vai nei. Zum nak ung nami ghin vai ah nami mät naw nami mät nami m’thei vai nei.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

JOHAN 10:5

Chang a hei ami hmuh ung, ani ah k’aw kä hmat ci gui kya ne püi ne dawng ci gui.

MATTHE 16:12

Cun kawn ah ang düihpüi gui naw, m’htut pyan nak ah k’caw ami hlawi vai ah kä kya ne, pharisee gui la Sadducee gui ah theithang cu kä ami läk-en vai ah Bawipa Jesuh naw am cäi gui cu, hmat lawk ci gui.

MATTHE 16:6

Bawipa Jesuh naw, “Nangmi cu pharisee gui la Sadducee gui ah k’caw cu ngaih na ne nami hlawi vai,” cine m’cäi gui ci.

THU PHLAAN 2:2

Nang ah bilawh cu ka hmat ci, nang naw a i hlawk ah nak tha nak, a i hlawk ah na ling k’tha la hniimgei nak a om cu kei naw ka hmat ci. Nang naw changshe gui kä na hniim gei nak gui hlawt la ang düihpüi ah kä kya lang ne, ana ng’düihpüi nei cik ci gui ah chang gui cu, ami hleeihlak dang khai ah nami k’tä gui cun phi kei naw ka hmat ci.

NG'THU K'THUUK~ 19:26

Thui ng’aa ne thüisei vai ah kyak ciah chang naw apa shedam na ne anu im ungka naw gawt ne k’tam ci.

NG'THU K'THUUK~ 19:28

Saksi ah m’hnütkbäi awn chang hnim nak ung taga nak kä om ci. Chang shekha gui naw akshe ah tuihlim nak cu m’hni ci gui.

JEREMIAH 27:9

Nami prophet gui, käcung malam ah amawng ng’cäbang thei ciah pyen ciah chang tumat mat cu kä nami ngai vai, ngami cu ami mang awn baw, aksi ah mümcha khü ne baw, cerai ne baw kya thei ci gui. Ngami ami van naw Babilon ghangpughang ung känami ng’kiaa vai al ning pyan nga gui khai gui.

2 SAMUEL 13:5

Jonadab naw ani am, “Na gaw ciah ng’shei ne ih phak ung na ih vai. Na pa naw law ne a ning teng law ung, na pyen vai, ‘Ka be Tamar naw law ne ana tu m’bei vai ah na pyen pe ä, Shin ung ka hmuh nak ung om ne, ei vai ana pyan pek vai ah ka ng’ya hlük ci nei, cun ung ani naw amät ah ngaih ah na m’htei khai” cine m’cäi ci.

2 SHONTÄP NAK 10:10

Ngami naw, Nang naw na pyen nak gui vai cu; ‘Kei ah ka kutpyün hta cu, kapa ah htenghtäih ah ta däm tu ba ci nei.’