NG'THU K'THUUK~ 19:22 - Cho Bible Common Language 2016

²² Thüisei nak cu ng’yak hlü nak aih ah kyak ci. Dukhaih ci gui cu hleei hlak ciah chang ah ta ba pi ci gui.

NG'THU K'THUUK~ 19:22 Referans Kwoze

2 KORIN 8:12

Nangmi naw na mi peit hlü cang ah a kyak ung Khanpughi naw, yum nakcang awn nami peit cu ning dou pe gui khai, nangmi ah kä peit nak hning cu Khanpughi naw kä ning k’thäh gui khai.

NG'THU K'THUUK~ 19:1

Dukhaih pang ne phi dung ciah chang cu, hleehlak omshe ciah ta ba pi ci.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

2 SHONTÄP NAK 6:8

Cun ung phi Bawipa naw pyen nak ci, ‘Nang naw kei ah phäh ah Taigüim cawh vai ah na ng’yak hlü cu hman ci.

SAM 62:9

Chang avan cu mei khu ah mäih ah kyak ci gui. Akzaw akdäm avan cu a kholä ah kyak ci. Ngami cu khin gui ung phi kä gih ci gui; Ngami cu khokhi ah yaang tu ba ci gui.

JOB 17:5

Chang ng’thu thuuk ung chang tumat naw a teihpüi cu ngui ah yoi ci, A cun ah phäh ah a hta nau gui cu yaica ci gui.

JOB 6:15

Cun ung phi ngami ka teihpüi gui, khaw kä a aa ung kawi ciah tuihta ah mäih ah nangmi naw nami na m’hleei ci nei.

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

NG'THU K'THUUK~ 19:21

Chang gui naw a hlü hlü ah pawng püi ci gui. Cun ung phi Bawipa ah ng’yak hlü naw pyi phleh ci.

NG'THU K'THUUK~ 19:23

Bawipa cu na lak vai, cun ung akshou na ghing khai, bühbei ne leigai na phyawn nak khai,