NG'THU K'THUUK~ 19:21 - Cho Bible Common Language 2016

²¹ Chang gui naw a hlü hlü ah pawng püi ci gui. Cun ung phi Bawipa ah ng’yak hlü naw pyi phleh ci.

NG'THU K'THUUK~ 19:21 Referans Kwoze

NG'THU K'THUUK~ 16:9

Nangmi naw bi vai ah nami pawng pui ci, Cun ung phi nami hnun thawh nak ung Khanpughi naw ning m’shumthein gui ci.

ISAIAH 14:24

M’gäi ciah Bawipa naw thu khän ne a pyen cu, “Kei naw ka k’bäi cu kya tuk cang khai. Kei naw bi vai ah ka pyen cun phi bi vai.

NG'THU K'THUUK~ 16:1

Mikmi nawa bi vai cu mi pawng pui ci, cun ung phi ak hnu ah Khanpughi naw ng’thu pyen ci.

ISAIAH 46:10

A htük ge ung, kho ah ng’pyi nak vai ah mawng kei naw ng’cä ne ka pyen ci; cau pui ge ung a i ah kya lawk khai cicu kei naw ka pyen tu ge ci. Kei naw ka pawng pui gui cu kä yung kya phung khai cine kei naw ka pyen ci, Cun ah kyasei kei naw ka bi vai ah ka k’bäi phung cu ka bik khai nei.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

EPHESIAN 1:11

Apäng avan cu Khanpughi naw am hnüt ak bäi ah mäih ah om kyak ci gui. Khanpughi naw cäu ä ge tün ne a mät ah k’bäi ah ng’bü nak awn, mikmi cu Bawi Khrit ung na kawng ät sak gui ne ak chang ah ana ghü gui hnga ah kyak ci.

JOB 23:13

Ani cu kä ng’thawng phung ci. A u naw kä hnungtuk püi hlawt ci. Ani naw ang yak hlü a bi cu a u naw kä ng’düm sak hing ci.

NG'THU K'THUUK~ 21:1

Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.

THUSHÄUTU 7:29

Kei naw ka theithang avan cu: Khanpughi naw a htingling a khüsuh ah ana tüipyan gui ah kyak ci, cun ung phi mi mät naw mi mät mi cawngcam gonggan sak ah kyak ci.

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

SAM 21:11

Ngami cu ami mät ah ngaih ah tängpang u ne, Ani cu hnu ng’tuk püi ci gui, cun ung phi kä näng khai gui.

1 PETER 2:8

A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.

ATÜNNAK 50:20

Nangmi naw kei cu akshe ah nami na kyak nak ci, cun ung phi cun cu Khanpughi naw akni ah m’hlat ci nei, Tuh ngawi om ciah chang akda ah ghin nak vai ah bi pyi ci nei.

NG'THU K'THUUK~ 12:2

Bawipa naw changnicu yei nak ci, akshe bi vai ah pawng pü ci phung cu m’kyuk ci.

JUDE 1:4

A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

ESTA 9:25

Cun ung phi Esther cu ghangpughang ah hteit sei ghangpughang naw ca gu ne ng’thukbäi tei ci. Ak hnu ah ani naw Jew gui ah phäh ah a pawngpüi cu Haman amät naw ma nak ci, ani la a hta gui cu ng’awh k’tung ung m’awh gui ci gui.

SAM 83:4

Ngami naw, “Law vä, ami pakhui mi m’di gui kaw, cun ung Israel pakhui ngawi ah phi kä om ba khai nei.”

NG'THU K'THUUK~ 19:22

Thüisei nak cu ng’yak hlü nak aih ah kyak ci. Dukhaih ci gui cu hleei hlak ciah chang ah ta ba pi ci gui.

JEREMIAH 44:29

Kei, Bawipa naw, shin ah hmun ung ka ning m’kyuk gui khai ci la nami khan ah dishum nak ka law püi khai cicu bä lawk khai, cicu kei naw m’khän nak ka ning pe gui khai.

2 SAMUEL 17:14

Absalom la Israel gui ami van naw, Hushai ah m’shüm thein nak cu Ahithophela ah m’shümthein nak ah ta bä pi ci nei” cik ci gui. Ahithophela ah m’shümthein nak cu kä ami läk en vai ah Bawipa naw k’bäi ci, cun ah kyasei leibei cu Absalom ah khan ah gawk lawk khai.

EZEKIEL 20:32

Nangmi naw a hei changpakhui gui ah mäih ah kyak hlü nak ah m’lung cu nami pyang ci, a hei khopäng ung chang gui ah mäih ah sing ghing la lung pou khawihnah nami yum ci. Cun ung phi cun ah kä kya hlawt khai nei.