NG'THU K'THUUK~ 19:20 - Cho Bible Common Language 2016

²⁰ Nang naw m’cumcäii nak na ngaih ah a kyak ung, na ng’thei hlü ah a kyak ung, khaw hnüüp at ung na cuivai khai.

NG'THU K'THUUK~ 19:20 Referans Kwoze

NG'THU K'THUUK~ 12:15

Chang gu ang gui naw angtäi sei ami mät hman ciah ngai ci gui. Cüivai ci naw m’cäi ä ngai ci.

NG'THU K'THUUK~ 4:1

Ka hta gui, nami pa ah ning m’thein gui cu nami ngaih vai, nami ngaih nak vai, cun ung nangmi ung hmuhmat nak om khai.

NG'THU K'THUUK~ 1:8

Ka hta, napa la na nu ah ning m’cäi cu geing na ne na ngaih vai.

KHEI NAK 23:10

Israel gui ah htangshon cu m’vut khui ah mäih ah kyak ci gui. Ngami cu khei plah gui vai ah da aih ci gui. Khanpughi ah chang tumat mat ah mäih ah kei ah khaw hnüüp gui cu nang pyi sak ä. Düng ciah chang ah mäih ah dimdeeih nak ung na sih sak ä.”

SAM 90:14

Kho ngawi tä sei, ng’täi ciah na m’hni nak awn na k’be gui ä, cun ung keimi cu ng’äi m’cu ne kami ghin kho ng’län ung kami yei khai.

SAM 37:37

Changnicu teng vä, chang düng cu hmu vä, dim deeih sei om cicu ng’shon bang ci nei;

SAM 90:12

Kami ghin nak a i hlawk ah a tawi ah mawng cu na m’thei gui ä, cung vah keimi kami cüivai lawk khai.

THULÄÄN NAK 8:16

Cun ah bung ung ani naw nami ei vai mana m’htut ning pe gui ci, Cun cu nami pupa gui naw kä ami ei man ah kyak ci. Ani naw khüikha nak gui tüi law ne ning m’nüm gui ci. Cun ah kyasei ak hnu ah ani naw akni gui awn hriham ning pe gui ci.

THULÄÄN NAK 32:29

A i ah kyasei ami hniim gui cu, Ngami naw kä hmu hning ci gui. A i ah kya lawk ci, cicu ngami naw kä hmat ci gui.

NG'THU K'THUUK~ 1:3

Acun gui naw a i hawkcha ah lulang ne om vai, a i hawkcha ah düng vai, taga vai, hmai kyang vai, gui cu ning m’thein gui khai.

NG'THU K'THUUK~ 8:14

Kei naw ng’bü nak pyang ne a cun cu ka bik ci. Kei ung hmuhmat nak om ci, kei ka khüighat ci.

NG'THU K'THUUK~ 8:33

Ning m’theithang cu na ngaih vai. Na cüivai vai, kä na nawng en düt vai.

NG'THU K'THUUK~ 19:19

Chang tumat cu amlung a sou ah a kyak ung, acun ah a phu cu ma na sak va. Cumbawng nak ungka ani cu hnu at na khui tu ah a kyak ung, leng ba ne na m’htei tu vai nei.

NG'THU K'THUUK~ 1:2

Shin ah thu thuuk gui naw cüivai nak, m’hnüt bäi nak, nik ciah m’cumcäi nak, thu thuuk gui thuk kau khai ah hmuhmat nak hning gui cu m’shümthein khai nei.

NG'THU K'THUUK~ 13:10

Chang shedam nak ci naw a i kä gah ci, cun ung phi yaica ci. Chang ah m’cäi ngai cicu cüivai pi ci.

NG'THU K'THUUK~ 15:32

Theithang vai maa nak ciah chang cu amat naw amat nat sak ciah kyak ci. M’shungdung nak dou ciah chang cu cuivai law pi ci.

JEREMIAH 6:8

Jerusalem chang gui aw, shih ah genbai nak gui cu nangmi ah phäh ah m’kyihm’hting nak ah kya sä, kä cun ung Kei naw ka ning nawng gui ling khai; Nami mang gaw cu a u naw kä ghin om nak hlawt ah khong’gau ah ka lat khai.

ZEPHANIAH 3:7

Kei ah ka ngaih u ka chang gui naw na kyih aa u ne, ka m’cäi dou u ne, ka m’theithang gui kä m’hnih phung khai gui. Cun ung phi tuhbäi ngami cu ami shet man ah she lä ci gui nei.