NG'THU K'THUUK~ 19:17 - Cho Bible Common Language 2016

¹⁷ Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

NG'THU K'THUUK~ 19:17 Referans Kwoze

NG'THU K'THUUK~ 28:27

Dukhaih ciam na pektak vai, nang ung a i ka hlü ba khai. Dukhaih ciah ma ah na mik nam shin ung chang gui naw ning plahtam khai gui.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

LUKA 6:38

Chang-am nami peit vai, cun ung Khanpughi naw ning pe ba gui khai. Det ne, khuk ne, m’htung chah ne nami peit ung, acun ah nami gah ba khai. Nän ne chang-am nami peit nak ung, Khanpughi naw nän ne ning pe ba gui khai” cine m’cäi gui ci.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

THUSHÄUTU 11:1

Na ngui cu akhohei ah sumlei nak vai ah na tha vai, khohnüüp ät ung anglawn na gah khai.

NG'THU K'THUUK~ 14:31

Dukhaih ciah chang shedam nak ci cu, ani tuisho ciah Khanpughi paphi ciah kyak ci. Cun ung phi dukhaih ci m’gein cicu khawihnah nak bik ciah kyak ci.

PHILIPPIAN 4:17

Cun cu kei naw m’cümhnah ng’ya hlü ne ka pyein ah kä kyak ci, nang mi ah camhnüt ung a tang law pi vai ah ka pyein ah kyak ci.

NG'THU K'THUUK~ 14:21

Nang cu na yeikyai hlü ah a kyak ung dukhaih ci na m’gein vai, chang paphi cu katnak ah kyak ci.

NG'THU K'THUUK~ 28:8

Chang gui ah khan ah na lak ah a taw anglon awn na bühmang ah akyak ung, nang ah khawh cu dukhaih ci m’gein ciah chang ung gawk yawp khai.

NG'THU K'THUUK~ 12:14

M’cümhnah nak na gah cu mna mät ah ng’thu la na mät ah bi ungka ah kyak ci. Nang naw na mät awn khinkha cicu na gah khai.

2 SAMUEL 12:6

Cun ah akshekha bik ciah chang naw a lak ah phäh ah ak phli ah a pek ba vai nei,” cik ci.

THULÄÄN NAK 24:19

“Nangmi nami geit nami khäm law ung, nami ah pyi ah htang gui nami m’chu shüt ah a kyak ung acun ah phäh ah kä nami vang hlah en ba vai; cun cu khaw hei chang gui, hmeihta gui la hmei nu gui ah phäh ah nawng shüt vai, cun ung Bawipa nami Khanpughi naw nami bi nak päng ung hriham ning pe gui khai.

SAM 72:13

Ghawipai ci la dukhaih ci gui cu m’gein gui ne, khüikha ci gui cu hun gui ci.

NG'THU K'THUUK~ 22:9

Dukhaih ciam ng’khailang ne na ei nak pai tu vai, A cun ah phäh ah phyuhtheh nak na gah khai.

THUSHÄUTU 11:2

Khohmun akda ung sumlei nak na bi vai, a i ah kyasei ci ung, shin ah khomdek khan ung a i ah mäih ah ng’yo yaw nak na buitang vai cu nang naw kä na hmat ci nei.

SAM 41:2

Ngami cu Bawipa naw shungvong gui ne, ami ghin nak pang gui khai; ani naw ami kho ung yeikyai sak gui khai. Ani naw ami ga gui ah huham ka ah kä nawng düt khai,