NG'THU K'THUUK~ 19:16 - Cho Bible Common Language 2016

¹⁶ Khanpughi ah thukhän gui cu nak pan vai, Cun ung akshou na ghing khai, na nawng dut ung lai na sik khai nei.

NG'THU K'THUUK~ 19:16 Referans Kwoze

LUKA 10:28

Bawipa Jesuh naw, “nang cu na hman ci, acun ah na bi ung ang täi ghin nak na gah khai nei” cik ci.

NG'THU K'THUUK~ 13:13

Akni ah m’cäi ä nak maanak ciah chang cu khüikha nak k’thäh ciah kyak ci. Läk ciah chang cu hun nak gah ci.

LUKA 11:28

Cun ung phi Bawipa Jesuh naw, “Khanpughi ah ng’thu ngai ne läk ciah khan ah yeikyai nak om sä, ci ung ni pi khai nei” cik ci.

1 JOHAN 5:3

Khanpughi m’hni nak cicu ang thu khän läk nak ah kyak ci. Ang thu khän läk cu mikmi ah phäh ah phuih gih ah kä kyak ci.

1 JOHAN 3:22

Mikmi cu ang thukhän läk ne, ang yak hlü ah mi bilo ci kya ne, ani ah mi ng’yoih thäh phung cu mi gah ci.

NG'THU K'THUUK~ 29:18

Khanpughi ah lam shüm nak kä om ciah khochang cu kä ng’käkhtäng ciah khochang ah kyak ci. Khanpughi ah thukhän k’pang ciah chang cu yeikyai nak om ci.

NG'THU K'THUUK~ 21:23

Cümbawng nak kä om khai ah na om hlü ung geing na ne ng’thu na pyen vai.

NG'THU K'THUUK~ 16:17

Lam akni ung htie ciah chang naw akshe cu hlawi hlek ci, na hteh nak ah lam cu na m’htei vai.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

1 KORIN 7:19

Vun-ah la kä ah cu ak tung ah kä kyak ci, Khanpughi ah thukhän läk cu ak tung ah kyak ci.

THUSHÄUTU 12:13

Shin gui avan kawn ah pyen vai tumat bäng om ci; Khanpughi kyih aa ne, ang thumkhän cu läk vai, a i ah kyasei ci ung a cun vai ah chang avan cu a tüisho ah kyak ci.

THUSHÄUTU 8:5

Ani ah thumkhän na ngaih ah chuih, nang cu phyawn nak om ci, cüivai ciah chang naw a i cha bi vai, a i sang ung bi vai cu hmat ci.

NG'THU K'THUUK~ 3:1

Ka hta, ka ning m’thein phung kä na m’hnih vai, na bia vai ah ka ning m’thein cu angtäi sei na shüm vai.

JOHAN 14:15

“Kei nami nam hni ung ka thukhän cu nami läk khai.

MATTHE 16:26

Chang cu khomdek khan avan a uk ung phi amät ah ghin nak a maih ung a i ah mawng mei ba khai ang? amät ah hnun ghin nak cu a i awn thong ne gah khai ang?

EZEKIEL 33:5

A sih nak cu amät ah katnak awn ah kyak ci, a i ah kyasei ci ung ani naw m’thawh let nak cu a i ah kä a ngaih ah phäh ah kyak ci. Ani naw cun cu ang ngaih nak vaisü ung ani cu phyawng hning khai nei.

JEREMIAH 7:23

Cun ung phi ka ng’thu ami ngaih vai ah ka thumkhän gui ci, cun ah kyasei kei cu ngami ah Khanpughi ah ka kyak ci, ngami cu kei ah chang ah kyak khai gui. Kei naw kei ah ka thumkhän ah mäih ah ami om vai ah ja pyen ah gui ci, cun un apäng avan cu akni ah kyak khai.

NG'THU K'THUUK~ 22:5

Na hnun gui na m’hni ah a kyak ung alam päng ung changshe gui phak ciah cuun awn ng’shawng khai ah na om vai nei.

NG'THU K'THUUK~ 15:32

Theithang vai maa nak ciah chang cu amat naw amat nat sak ciah kyak ci. M’shungdung nak dou ciah chang cu cuivai law pi ci.

SAM 103:18

Cun cu ang thum’khän ung düng ciah chang la a thumkhän bekhüt ne läk ciah chang gui ah kyak ci.

JOB 5:2

Khüikha ne na mät na sih en vai ah na mät naw na mät ng’ä na ä, Cun cu gu ang ne akholä bi ah kyak ci nei.

NG'THU K'THUUK~ 21:16

Nikiom nak hteh ta ne ng’vak shüi ci gui cu sih nak naw ngäng gui ci.