NG'THU K'THUUK~ 19:12 - Cho Bible Common Language 2016

¹² Ghangpughang ah m’lungshe nak cu phongkawng ah m’ngaw ah maih ah kyak ci. Cun ung phi ani ah m’tamkhah nak cu khogoh tui ah maih ah kyak ci.

NG'THU K'THUUK~ 19:12 Referans Kwoze

HOSEA 14:5

Kei cu Israel gui ah khan ah khong gau khaw ung khaw a aa ah mäih ah ka kyak khai. Ngami cu cheipai ah mäih ah pai khai gui. Ngami cu lebanon sing ah mäih ah khäng sei ng’yung khai gui.

NG'THU K'THUUK~ 20:2

M’ngawk ciah phongkawng kyih ah maih ah m’lungshe ciah ghangpughang cu nami kyih vai. Ani m’lungshe sak cicu ng’cawh ciah kyak ci.

NG'THU K'THUUK~ 28:15

Dukhaih ci gui cu uktu gi naw hnu na gui u sei amgein kaa ah kyak ci gui. Ani cu m’ngawk ciah kawng la khawm ah maih ah kyih vai ah kyak ci.

SAM 133:3

Cun cu Hermon m’htung la Zion kho gui ah khan lawk ciah khui toi ah mäih ah kyak ci nei. Cun ah kho cu Bawipa naw a shaitak awn hriham a pek ah — cun ung ghin nak kä ng’pyi ci.

MIKHAH 5:7

Pawih ba ciah Israel chang gui cu khui päng ah phäh ah Bawipa ah tüih law ah thai ba ciah khüi ah mäih ah a ghing gui ah khan ah kia lawk ciah khaw goh ah mäih ah kyak khai gui.

DANIEL 6:24

Cun kawn ah ghangpughang naw ng’thu k’bäi ne, Daniela m’kyuk ciah chang gui ami van pha sak gui neta, ami chu gui la ami hta gui awn atäng ah phongkawng awn be ciah khui ung yuk shum gui ci gui. Khui ah anglung kä ami yuk pha pha ung kawng gui naw pah gui ne ami guh avan m’kyem gui ci gui.

DANIEL 5:19

Ani cu dämduh aih sei chang pakhui, chang pahta, chang nü avan naw kyihkyawk u ne, ng’hlet ci gui nei. Ani naw chang a ngawn hlü nüng ngawn ci, am ghin hlü nüng m’ghin ci, am tamkhah hlü nü m’tamkhah ci, am shuk chak hlü nü m’shuk chak ci.

THUSHÄUTU 8:4

Ghangpughang cu a huham awn hnüntho ci, ani ah bi lawh cu, a u naw kä ng’shi thäh hning ci.

SAM 72:6

Ghangpughang cu lai ah khan ah kho a aa mäih ah, ng’lei ah khan ah khüi a book ah mäih ah kya sä.

ESTA 7:8

Ani cu Esther ah yihphak ung ng’yän ne ng’tat ne, Esther ung ng’pa khai ah a kyak yah ung, ghangpughang cu duum ah kaa kyong ah lut law ba ci. Cun cu hmu law neta ghangpughang naw m’lau ne, “Shin ung, ka mät ah mang im ung, ka ma ge ah, shin ah chang naw ghangpughangnu cu akshe ah om püi hlü ne ang?” cik ci. Ghangpughang naw acun a ci vai am hnumi uk gui naw Haman ah hmai cu shung ci gui.

2 SAMUEL 23:4

ng’mei kä om ciah khaw thaih hta ung, pyü ne sou ciah khaw hni ah mäih ah, khaw a aa thai ung khu m’sai m’kim sak ne, pyü ciah khaw hni ah mäih ah kyak ci nei.”

ATÜNNAK 27:28

Khanpughi naw khankhaw ah khaw tui, m’dek khan ung ng’lei akni ning pe sä! Htang m’guh akda, sapyit akda phi ning pe sä!

THULÄÄN NAK 33:28

Cun ah kiasei Jakob ah htangshon gui cu Ding gei sei om ci gui. Htang la sapyit tui ah be nak khaw cu geing nak ci gui. Acu ah khomik ungka dam tui naw khaw ng’lei tui awn shawi ci.

ISAIAH 18:4

Bawipa naw nap yen nak ci, “Geit khäm khin ung awh ciah mü ung khüi a bawk ah mäih ah, kholing aiah khohnüüp ung, cine m’leng ciah khohni a sau ah mäih ah kei naw khankhaw ung ka naw adüm ah ka yuk teng lawk khai nei.

ESTA 1:12

Ghangpughangnu Vashti am changshäm gui naw ghangpughang ah thumkhän cu m’thein u khäta, ani cu ma ne kä lawk ci. Cun naw ghangpughang cu m’lungshe sak ci.