NG'THU K'THUUK~ 19:11 - Cho Bible Common Language 2016

¹¹ Langkha ciah chang naw am lung ah sou nak cu k’uup hning ci. Na khan ah chang naw a hma law ung na ngaih pek cu dämduh ciah ni kyom nak ah kyak ci.

NG'THU K'THUUK~ 19:11 Referans Kwoze

NG'THU K'THUUK~ 16:32

M’lung sau nak cu huham mah nak ah ta ba pi ci, amat naw amat nang cicu mang gaw avan nang ciah ta ba pi ci.

NG'THU K'THUUK~ 14:29

Adüm ah na om ung nang cu cuivai ciah na kyak ci, Nang cu na m’lungshe aih ung a i hlawk ah na anglam cu na m’dang ciah kyak ci.

JAMES 1:19

Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.

NG'THU K'THUUK~ 15:18

Am lung tawi ci naw ng’tukvok m’thou ci, am lung sau ci naw geilam pyang ci.

NG'THU K'THUUK~ 12:16

Chang gu ang am lung she ung ang ghhit ah ng’hmat sak ci. Lulang ciah chang naw lü ng’aa nak nawng thei ci.

EPHESIAN 4:32

Tumat la tumat hnip hnoi ne ng’awi gi tu vä, Khanpughi naw Bawi Khrit ung a ning m’geinsei gui ah mäih ah tumat la tumat m’geinsei tu vä.

NG'THU K'THUUK~ 20:3

Gu k’taak ci phung naw ng’tuk vook tün hning ci. M’tamkhah nak cu ngami ah akpung ah om ci.

NG'THU K'THUUK~ 25:21

Na gaa a cawi ung ei na m’bei vai, tui agha ung tui na tu vai,

NG'THU K'THUUK~ 17:14

Ng’vook shan nak ah ng’tun nak cu tuikbum a pawk hlü ah maih ah kyak ci. Ak dam ah ka ng’vook pha ung cun cu nawng vai.

2 GHANGPUGHANG GUI 5:12

Damaskas ah Abana la Pharphar tuinu goi cu Israel ah tuinu ah ta ni tuba ciah kä kya ne ang? A cun ung kei ng’si ne ka gai hning ciah maw” cik ci.

NG'THU K'THUUK~ 11:13

Ng’pyen sak ciah chang naw m’yih vai phi phleh ci, Cun ung phi bä sei ng’ap ciah chang cu ngaih gep vai kyak ci.

NG'THU K'THUUK~ 29:11

Chang shekha gui naw ami m’lunhshe nak cu m’dang ci gui, Langkha ciah chang gui naw cun ah mäih cu m’lung sau u ne, pang ne m’hlat ci gui.

NG'THU K'THUUK~ 20:22

Cheishoh nak cu na pek ba vai ah na mat naw ka na lak vai, Bawipa ung na ap vai, cun cu ani naw hman sak khai.